സംസ്ഥാനത്തെ എല്ലാ സർക്കാർ ഓഫീസുകളും ഇനി ഹരിതചട്ടത്തിലേയ്ക്ക്. മുഖ്യമന്ത്രി പിണറായി വിജയൻ ഇതുസംബന്ധിച്ച് ഔദ്യോഗിക പ്രഖ്യാപനം ജനുവരി 26 ന് നടത്തും. ശുചിത്വ പദവി നേടിയ തദ്ദേശ സ്ഥാപനങ്ങളിലെ ഹരിതകര്മ്മസേനകള് ശേഖരിച്ച പുനചംക്രമണത്തിനുതകുന്ന അജൈവ മാലിന്യങ്ങള് ക്ലീന് കേരള കമ്പനിക്ക് നല്കിയ വകയിലെ തുകയ്ക്കുള്ള ചെക്ക് കരാറനുസരിച്ച് അതത് തദ്ദേശ സ്ഥാപനങ്ങളില് നടക്കുന്ന ചടങ്ങില് സ്ഥാപന അധ്യക്ഷന്മാര് ഹരിതകര്മ്മസേനയ്ക്ക് കൈമാറും. ഗ്രീന് പ്രോട്ടോക്കോള് പരിശോധനാ സൂചികയിലെ ഘടകങ്ങള് ഉറപ്പുവരുത്തിയായിരിക്കും ഓഫീസുകളുടെ ഹരിതചട്ടത്തിലേക്കുള്ള മാറ്റം.
കോവിഡു൦ മലയാളിയും; 2021 പ്രതീക്ഷയുടെ വർഷം; ഇരുകൈകളും നീട്ടി ലോകം പുതിയ പുലരിയെ സ്വാഗതം ചെയ്തു
ഹരിതചട്ടം പാലിക്കുന്ന ഓഫീസുകളില് ജീവനക്കാരും സന്ദര്ശകരും പാലിക്കേണ്ട നിര്ദേശങ്ങള് എഴുതി പ്രദര്ശിപ്പിക്കും. പ്ലാസ്റ്റിക്കിലും തെര്മോക്കോളിലും നിര്മിതമായ എല്ലാത്തരം ഡിസ്പോസബിള് വസ്തുക്കളുടെയും ഉപയോഗം പൂര്ണമായും ഒഴിവാക്കിയും മാലിന്യം രൂപപ്പെടുന്നതിന്റെ അളവ് പരമാവധി കുറച്ചും ജൈവ മാലിന്യവും അജൈവമാലിന്യവും വെവ്വേറെ ശാസ്ത്രീയമായി സംസ്കരിച്ചുമാണ് പ്രധാനമായും ഓഫീസുകള് ഹരിതചട്ടത്തിലേക്ക് മാറുന്നത്.
പ്രതികരിക്കാൻ ഇവിടെ എഴുതുക