പാര്വ്വതി തിരുവോത്തിനെ നായികയാക്കി സിദ്ധാർത്ഥ് ശിവ ഒരുക്കുന്ന പുതിയ ചിത്രം ‘വര്ത്തമാനം’ ഫെബ്രുവരിയില് റിലീസ് ചെയ്യും.
ബെന്സി പ്രൊഡക്ഷന്സിന്റെ ബാനറില് ബെന്സി നാസറും, ആര്യാടന് ഷൗക്കത്തും ചേര്ന്ന് നിര്മ്മിക്കുന്ന ചിത്രത്തിന്റെ കഥയും തിരക്കഥയും സംഭാഷണവും ആര്യാടന് ഷൗക്കത്തിന്റേതാണ്.
കേന്ദ്ര സെന്സര് ബോര്ഡ് റിവൈസിംഗ് കമ്മറ്റി പ്രവര്ത്തനാനുമതി നല്കിയതോടെ ചിത്രം തീയേറ്ററില് റിലീസ് ചെയ്യുകയാണ്. സിദ്ധാര്ത്ഥ് ശിവ സംവിധാനം ചെയ്യുന്ന ഏഴാമത്തെ ചിത്രം കൂടിയാണ് വര്ത്തമാനം.
സമകാലിക രാഷ്ട്രീയ സാമൂഹ്യ പ്രശ്നങ്ങളാണ് ചിത്രം ചര്ച്ച ചെയ്യുന്നത്. ‘ഫൈസാ സൂഫിയ’ എന്ന ഗവേഷക വിദ്യാര്ത്ഥിനിയുടെ കഥാപാത്രമാണ് പാര്വ്വതിയുടേത്. റോഷന് മാത്യു, സിദ്ദിഖ് എന്നിവരും ചിത്രത്തിലെ ശ്രദ്ദേയ കഥാപാത്രങ്ങളെ അവതരിപ്പിക്കുന്നു.
വലിയ തിരനാര തന്നെ ചിത്രത്തില് അണിനിരക്കുന്നു. ഡെല്ഹി, ഉത്തരാഖണ്ഡ്, കേരളം എന്നിവിടങ്ങളിലായി രണ്ടു ഷെഡ്യൂളിലാണ് ‘വര്ത്തമാനം’ ചിത്രീകരിച്ചത്.
രണ്ടു പാട്ടുകള് ചിത്രത്തിലുണ്ട്. പാഠം ഒന്ന് ഒരു വിലാപം, ദൈവനാമത്തില്, വിലാപങ്ങള്ക്കപ്പുറം, എന്നീ ചിത്രങ്ങള്ക്കു ശേഷം ആര്യാടന് ഷൗക്കത്ത് കഥയും തിരുക്കഥയും സംഭാഷണവും ഒരുക്കുന്ന ചിത്രമാണ് ‘വര്ത്തമാനം’.
പ്രതികരിക്കാൻ ഇവിടെ എഴുതുക