തിരുവനന്തപുരം : മുഖ്യമന്ത്രി പിണറായി വിജയനും മന്ത്രിമാരും കോവിഡ് വാക്സിൻ സ്വീകരിക്കുമെന്ന് ആരോഗ്യമന്ത്രി കെ.കെ. ശൈലജ. അടുത്ത ദിവസം തന്നെ ഇതിനുളള നടപടിക്രമങ്ങള് പൂര്ത്തിയാക്കും. വാക്സിനേഷന് സംസ്ഥാനം സുസജ്ജമാണെന്നും കൂടുതല് കേന്ദ്രങ്ങള് ഇതിനായി വേണമെന്നും ആരോഗ്യമന്ത്രി വ്യക്തമാക്കി.
വാക്സിനേഷന് പ്രക്രിയയില് സ്വകാര്യ മേഖലയെക്കൂടി ഉപയോഗപ്പെടുത്തും. പ്രധാനമന്ത്രി വാക്സിന് സ്വീകരിച്ചത് വളരെ സന്തോഷകരമായ കാര്യമാണ്. വാക്സിന് സ്വീകരിക്കാന് നേരത്തെ ഞങ്ങള് തയ്യാറായിരുന്നു. ആരോഗ്യപ്രവര്ത്തകര്ക്കൊപ്പം ജനപ്രതിനിധികള് വാക്സിന് എടുക്കേണ്ടതില്ല, അവരുടെ ഊഴം വരുമ്പോള് എടുത്താല് മതിയെന്ന പ്രധാനമന്ത്രിയുടെ യോഗത്തില് നിര്ദേശം വന്നിരുന്നു. അതുകൊണ്ടാണ് വാക്സിന് സ്വീകരിക്കാതിരുന്നതെന്നും ആരോഗ്യമന്ത്രി പറഞ്ഞു.
വാക്സിന് സ്വീകരിക്കുന്നതില് മറ്റാര്ക്കും മടിയുണ്ടാകാതിരിക്കാന് ആരോഗ്യമന്ത്രി എന്ന നിലയില് ആദ്യം വാക്സിന് എടുക്കാന് ആഗ്രഹമുണ്ടായിരുന്നു. പക്ഷേ, ഊഴം വരാന് കാത്തുനിന്നതാണെന്നും മന്ത്രി വ്യക്തമാക്കി.
പ്രതികരിക്കാൻ ഇവിടെ എഴുതുക