കോവിഡ് പ്രതിസന്ധി ഘട്ടത്തിൽ നമ്മൾ ഓരോരുത്തരും ആരോഗ്യത്തോടെയിരിക്കേണ്ടത് പ്രധാനമാണ്. രോഗപ്രതിരോധ ശേഷി ശക്തിപ്പെടുത്തുന്നതിന് സഹായിക്കുന്നതും വളരെ ലളിതമായി തയ്യാറാക്കാൻ കഴിയുന്നതുമായ ഒരു പൊടിയെക്കുറിച്ച് ഡൽഹിയിൽ നിന്നുള്ള ഡോ. രാജേഷ് ശർമ വിശദീകരിക്കുന്നു.
ചേരുവകൾ
1/4 ടീസ്പൂൺ മഞ്ഞൾ പൊടി
1/2 ടീസ്പൂൺ പെരും ജീരകം
1/4 ടീസ്പൂൺ ജീരകം
1/4 ടീസ്പൂൺ അയമോദകം
1/4 ടീസ്പൂൺ മല്ലി
2 ഗ്രാംബു
1/4 ടീസ്പൂൺ ചുക്ക് പൊടി
എങ്ങനെ ഉണ്ടാക്കാം
ഒരു ചട്ടിയിൽ പകുതി പെരും ജീരകം, ജീരകം, അയമോദകം, മല്ലി എന്നിവ എടുക്കുക. ഈ ചേരുവകൾ 7 മുതൽ 10 മിനിറ്റ് വരെ വറുക്കുക. തുടർന്ന് തണുക്കാൻ അനുവദിക്കുക. തുടർന്ന് ഇവ പൊടിച്ചെടുക്കുക. ഇതിൽ മഞ്ഞൾപ്പൊടി, ചുക്ക് പൊടി എന്നിവ ചേർത്ത് ഇളക്കി എടുക്കുക.
എല്ലാ ദിവസവും ഉറങ്ങുന്നതിനുമുമ്പ് ഈ പൊടിയുടെ പകുതി ടീസ്പൂൺ ഇളം ചൂടുള്ള വെള്ളത്തിൽ കഴിക്കുക. ഇത് കഴിച്ചാലുള്ള ഗുണങ്ങൾ എന്താണെന്ന് നോക്കാം
ജീരകവും അയമോദകവും
അയമോദകവും ജീരകവും നിങ്ങളുടെ ദഹനവ്യവസ്ഥയ്ക്ക് നല്ലതാണ്, മാത്രമല്ല പ്രതിരോധശേഷി വർദ്ധിപ്പിക്കുന്നതിന് സഹായിക്കുകയും ചെയ്യുന്നു. രക്തത്തിലെ പഞ്ചസാര നിയന്ത്രിക്കാനും ബാക്ടീരിയ, പാരസൈറ്റ്സ് എന്നിവയ്ക്കെതിരെയും പോരാടാനും ഇവ സഹായിക്കുന്നു.
മഞ്ഞൾ
മഞ്ഞൾ ഒരു നല്ല ആന്റിസെപ്റ്റിക് ആണ്. ഇത് ശരീരത്തിന്റെ ആന്റിഓക്സിഡന്റ് ശേഷി വർദ്ധിപ്പിക്കുകയും ഏതെങ്കിലും തരത്തിലുള്ള അണുബാധയെ ചെറുക്കാൻ സഹായിക്കുകയും ചെയ്യുന്നു.
ഗ്രാമ്പുവും പെരും ജീരകവും
പ്രതിരോധശേഷി വർദ്ധിപ്പിക്കുന്നതിനും ദഹനവ്യവസ്ഥയെ സന്തുഷ്ടമായി നിലനിർത്തുന്നതിനും ഗ്രാമ്പു, പെരും ജീരകം എന്നിവ സഹായിക്കുന്നു. നിങ്ങൾക്ക് നല്ല ദഹനവ്യവസ്ഥ ഉണ്ടാക്കാനും അണുബാധകളോട് പോരാടുന്നത് എളുപ്പമാക്കാനും ഇത് സഹായിക്കുന്നു.
ചുക്ക് പൊടി
ചുക്ക് പൊടിയിൽ ഔഷധ ഗുണങ്ങളുള്ള ജിഞ്ചറോളിനെ അടങ്ങിയിട്ടുണ്ട്. ഇത് രക്തത്തിലെ പഞ്ചസാര കുറയ്ക്കാൻ സഹായിക്കുകയും ദഹന പ്രക്രിയയെ സഹായിക്കുകയും ചെയ്യുന്നു.
പ്രതികരിക്കാൻ ഇവിടെ എഴുതുക