കഴിഞ്ഞ വര്ഷം മുതല് ജോലി ഇല്ലാത്തതിനാല് നികുതി അടയ്ക്കാന് സാധിക്കുന്നില്ലെന്ന് പറഞ്ഞ നടി കങ്കണയെ ട്രോളി പ്രശാന്ത് ഭൂഷണ്
”എന്ത്, ഝാന്സി റാണിക്ക് ജോലി ഇല്ലെന്നോ..?” എന്നാണ് കങ്കണയെ കുറിച്ചുള്ള വാര്ത്തയുടെ സ്ക്രീന് ഷോട്ട് പങ്കുവച്ച് പ്രശാന്ത് ഭൂഷണ് ട്വീറ്റ് ചെയ്തത്. കഴിഞ്ഞ കുറച്ചു നാളുകളായി പുതിയ പ്രൊജക്ടുകളൊന്നും ഇല്ലാത്തതിനാല് കഴിഞ്ഞ വര്ഷത്തെ നികുതിയുടെ പകുതി മാത്രമാണ് അടച്ചത് എന്നാണ് കങ്കണ സോഷ്യല് മീഡിയയില് കുറിച്ചത്.
ഇതാദ്യമാണ് ഇങ്ങനൊരു അവസ്ഥ ജീവിതത്തില് നേരിടുന്നത്. നികുതി അടയ്ക്കാന് വൈകി, അടയ്ക്കാത്ത ആ നികുതി പണത്തിന് സര്ക്കാര് പലിശ ഈടാക്കുന്നുണ്ട്, എന്നിട്ടും ഈ നീക്കത്തെ സ്വാഗതം ചെയ്യുന്നു.
വ്യക്തിപരമായി എല്ലാവര്ക്കും നഷ്ടങ്ങള് നേരിടുന്ന കാലഘട്ടമാണിത്, എത്രയും പെട്ടെന്ന് എല്ലാം ശരിയാകട്ടെയെന്ന് ആഗ്രഹിക്കുന്നു എന്നാണ് കങ്കണ പറഞ്ഞത്.
പ്രതികരിക്കാൻ ഇവിടെ എഴുതുക