മലപ്പുറം: വീടിന്റെ രണ്ടാം നില സിമന്റ് പൂശുന്നതിനിടെ കാൽ തെന്നി സൺഷെയ്ഡിൽ തലയിടിച്ച് 80 അടിയോളം താഴ്ചയും എട്ടടിയോളം വെള്ളവുമുള്ള കിണറ്റിലേക്ക് വീണ അതിഥിത്തൊഴിലാളി മരിച്ചു. നിർമാണം നടന്നുകൊണ്ടിരിക്കുന്ന മക്കരപ്പറമ്പ് സ്വദേശി കുഞ്ഞിമുഹമ്മദിന്റെ വീട്ടിൽ ജോലിക്കെത്തിയ അസം സ്വദേശി ജുഗൽ (30) ആണ് മരിച്ചത്.
വീടിന്റെ രണ്ടാം നില സിമന്റ് പൂശുന്നതിനിടെയാണ് ജുഗൽ കാൽ വഴുതി വീണത്. ഇന്നുച്ചയ്ക്ക് രണ്ട് മണിയോടെയായിരുന്നു സംഭവം. സഹതൊഴിലാളികളും അയൽവാസികളും രക്ഷപ്പെടുത്താൻ ശ്രമിച്ചെങ്കിലും കിണറ്റിൽ ഓക്സിജൻ ഇല്ലാഞ്ഞതിനാൽ അഗ്നിരക്ഷാ നിലയത്തിൽ വിവരമറിയിച്ചു.
ജുഗലിനെ കിണറിന് പുറത്തെത്തിച്ച് സിപിആർ നൽകി ഉടൻതന്നെ മഞ്ചേരി മെഡിക്കൽ കോളജിലെത്തിച്ചെങ്കിലും ജീവൻ രക്ഷിക്കാനായില്ല.
പ്രതികരിക്കാൻ ഇവിടെ എഴുതുക