തിരുവനന്തപുരം : നെടുമങ്ങാട്ടെ സൂര്യഗായത്രിയുടെ കൊലപാതകത്തില് വെളിപ്പെടുത്തലുമായി പെണ്കുട്ടിയുടെ അമ്മ വല്സല .
പ്രതി അരുണ് സൂര്യഗായത്രിയോട് വിവാഹാഭ്യര്ത്ഥന നടത്തിയിരുന്നു. എന്നാല് അരുണ് മോഷണക്കേസില് പ്രതിയാണെന്ന് അറിഞ്ഞ് വിവാഹാഭ്യര്ത്ഥന നിരസിച്ചു. ഇതാണ് വൈരാഗ്യത്തിന് കാരണമെന്ന് പെണ്കുട്ടിയുടെ അമ്മ വല്സല പറഞ്ഞു.
മുമ്പ് വാഹനം തടഞ്ഞുനിര്ത്തി അരുണ് ഭീഷണിപ്പെടുത്തിയിട്ടുണ്ടെന്നും കുത്തേറ്റു മരിച്ച സൂര്യഗായത്രിയുടെ അമ്മ വെളിപ്പെടുത്തി.
മരിച്ച യുവതിയും പ്രതി അരുണുമായി നാലുവര്ഷത്തോളമായി പരിചയമുണ്ടെന്ന് പൊലീസ് പറയുന്നു. പ്രതിയായ അരുണ് ഏതാനും ക്രിമിനല് കേസുകളിലെ പ്രതി കൂടിയാണ്.
വിവാഹാഭ്യര്ത്ഥന നിഷേധിച്ചതിനെ തുടര്ന്ന് നാലു വര്ഷം മുമ്പ് പെണ്കുട്ടിയുടെ മൊബൈല്ഫോണും സ്വര്ണാഭരണങ്ങളും കവര്ന്നിട്ടുണ്ടെന്നും, ഇക്കാര്യം ചൂണ്ടിക്കാട്ടി അരുണിനെതിരെ ആര്യനാട് പൊലീസില് പരാതി നല്കിയിരുന്നതായും പെണ്കുട്ടിയുടെ അമ്മ പറഞ്ഞു.
പ്രതികരിക്കാൻ ഇവിടെ എഴുതുക