പാലക്കാട്: പാലക്കാട് സഞ്ജിത്ത് കൊല്ലപ്പെട്ട സംഭവത്തില് പ്രതികള്ക്കായി അന്വേഷണം ഊർജിതമാക്കി പൊലീസ്. ഇന്നലെ രാത്രി പാലക്കാട് എസ്പിയുടെ നേതൃത്വത്തില് അന്വേഷണ ഉദ്യോഗസ്ഥരുടെ യോഗം ചേര്ന്നു. എട്ടു സംഘങ്ങള് ആയി തിരിഞ്ഞാണ് അന്വേഷണം.
പ്രതികള് സഞ്ചരിച്ച വാഹനം വാളയാര് തൃശ്ശൂര് ഹൈവേയില് പ്രവേശിച്ചെന്ന് വ്യക്തമായതിനാല് ഹൈവേ കേന്ദ്രീകരിച്ച് കൂടുതല് സിസിടിവി ദൃശ്യങ്ങള് ശേഖരിക്കുന്നുണ്ട്.
വെള്ള മാരുതി കാറാണ് പ്രതികള് ഉപയോഗിച്ചതെന്ന ദൃക്സാക്ഷി മൊഴികള് കേന്ദ്രീകരിച്ചാണ് അന്വേഷണം. പ്രതികൾ ഉപയോഗിച്ച കാറിന്റെ ഉടമയെ കണ്ടെത്താനും ശ്രമം നടക്കുന്നുണ്ട്. കഴിഞ്ഞ വര്ഷം സഞ്ജിത്തിനെ ആക്രമിച്ച കേസിലെ പ്രതികളായ എസ്ഡിപിഐ പ്രവര്ത്തകരെ കേന്ദ്രീകരിച്ചും അന്വേഷണം നടക്കുന്നുണ്ട്.
ഇന്നലെ രാവിലെ ഒൻപത് മണിയോടെയായിരുന്നു കൊലപാതകം.മമ്പ്രത്തെ ഭാര്യവീട്ടിൽ നിന്നും ഭാര്യയുമായി ബൈക്കിൽ വരികയായിരുന്ന സഞ്ജിത്തിനെ കാറിലെത്തിയ അക്രമികൾ വെട്ടിക്കൊലപ്പെടുത്തുകയായിരുന്നു.
പ്രതികരിക്കാൻ ഇവിടെ എഴുതുക