പതിനേഴുകാരിയെ ബലാത്സംഗം ചെയ്തതിന് പിന്നാലെ ചിത്രങ്ങള് സമൂഹമാധ്യമങ്ങളില് പ്രചരിപ്പിച്ച 26കാരനെതിരെ കേസെടുത്തു. മധ്യപ്രദേശിലെ ഭോപ്പാലിന് സമീപമുള്ള നസീറാബാദിലാണ് സംഭവം.
കഴിഞ്ഞ ഏപ്രില് 16ന് പെണ്കുട്ടിയുടെ വീട്ടിലെത്തിയ യുവാവ് ഇവരെ ബലാത്സംഗം ചെയ്യുകയായിരുന്നു.
ബലാത്സംഗത്തിനിടെ അതിന്റെ ചിത്രങ്ങളും യുവാവ് മൊബൈലില് എടുത്തിരുന്നു. ഈ ദൃശ്യങ്ങള് ഉപയോഗിച്ച് പെണ്കുട്ടിയെ ഭീഷണിപ്പെടുത്തിയ യുവാവിനെ പെണ്കുട്ടി ഫോണില് ബ്ലോക്ക് ചെയ്യുകയും ഭീഷണിക്ക് വഴങ്ങി കാണാന് വിസമ്മതിക്കുകയുെ ചെയ്തിരുന്നു. ഇതില് പ്രകോപിതനായ 26കാരന് ചിത്രങ്ങള് ഇന്റര്നെറ്റില് പ്രചരിപ്പിക്കുകയായിരുന്നു.
കുട്ടിയുടെ അശ്ലീല ചിത്രങ്ങള് ശ്രദ്ധയില്പ്പെട്ട ഗ്രാമത്തിലെ ചിലരാണ് വിവരം പെണ്കുട്ടിയുടെ പിതാവിനെ അറിയിച്ചത്. ഇതോടെ പിതാവ് പൊലീസില് പരാതിയുമായി എത്തുകയായിരുന്നു. പൊലീസില് പരാതി രജിസ്റ്റര് ചെയ്തതിന് പിന്നാലെ ഒളിവില് പോയ യുവാവിനായുള്ള തെരച്ചിലിലാണ് പൊലീസുള്ളത്.
പ്രതികരിക്കാൻ ഇവിടെ എഴുതുക