ജയസൂര്യയെ നായകനാക്കി നവാഗതനായ അഭിജിത്ത് ജോസഫ് രചനയും സംവിധാനവും നിര്വ്വഹിച്ച ചിത്രം ജോണ് ലൂഥര് ഇന്നു മുതല് തിയറ്ററുകളില്. കേരളത്തില് 150 സ്ക്രീനുകളിലാണ് ചിത്രത്തിന്റെ റിലീസ്. രണ്ട് ദിവസം മുന്പുതന്നെ ചിത്രത്തിന്റെ അഡ്വാന്സ് സീറ്റ് റിസര്വേഷന് ആരംഭിച്ചിരുന്നു. ത്രില്ലര് വിഭാഗത്തില് പെടുന്ന ചിത്രത്തിന്റെ ടൈറ്റില് കഥാപാത്രമായാണ് ജയസൂര്യ എത്തുന്നത്. ഒരു സര്ക്കിള് ഇന്സ്പെക്ടര് ആണ് ജയസൂര്യയുടെ കഥാപാത്രം.
ഒരു അപകടത്തെ തുടര്ന്ന് ഒരു ചെവിക്ക് കേള്വിക്കുറവ് നേരിടുന്ന കഥാപാത്രമാണ് ഇത്. ജോലിയോട് ഏറെ ആത്മാര്ഥത പുലര്ത്തുന്ന ജോണ് ലൂഥര് അന്വേഷിക്കുന്ന രണ്ട് കേസുകളിലൂടെയാണ് ചിത്രത്തിന്റെ കഥ പുരോഗമിക്കുന്നത്. ആത്മീയ, ദൃശ്യ രഘുനാഥ്, ദീപക് പറമ്പോല്, സിദ്ദിഖ്, ശിവദാസ് കണ്ണൂര്, ശ്രീലക്ഷ്മി തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്. വാഗമണ് ആയിരുന്നു ചിത്രത്തിന്റെ പ്രധാന ലൊക്കേഷന്.
പ്രതികരിക്കാൻ ഇവിടെ എഴുതുക