കൊച്ചി: ആരോഗ്യ മുന്കരുതലിന്റെ ഭാഗമായി വടവുകോട്-പുത്തന്കുരിശ് ഗ്രാമപഞ്ചായത്ത്, കിഴക്കമ്പലം ഗ്രാമപഞ്ചായത്ത്, കുന്നത്തുനാട് ഗ്രാമപഞ്ചായത്ത്, തൃക്കാക്കര മുനിസിപ്പാലിറ്റി, തൃപ്പൂണിത്തുറ മുനിസിപ്പാലിറ്റി, മരട് മുനിസിപ്പാലിറ്റി, കളമശ്ശേരി മുനിസിപ്പാലിറ്റി, കൊച്ചി മുനിസിപ്പല് കോര്പ്പറേഷന് എന്നിവിടങ്ങളിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും 13, 14, 15 (തിങ്കള്, ചൊവ്വ, ബുധന്) തീയതികളില് അവധി പ്രഖ്യാപിച്ചു.
സിബിഎസ്ഇ, ഐസിഎസ്ഇ, സര്ക്കാര്, എയ്ഡഡ്, അണ്എയ്ഡഡ് സ്കൂളുകള്, അങ്കണവാടികള്, കിന്റര്ഗാര്ട്ടണ്, ഡേകെയര് സെന്ററുകള് എന്നിവയ്ക്ക് അവധി ബാധകമാണ്. എസ്എസ്എല്സി, വിഎച്ച്എസ്ഇ ഹയര് സെക്കണ്ടറി പൊതു പരീക്ഷകള്ക്കും സര്വകലാശാല പരീക്ഷകള്ക്കും മാറ്റമില്ല.
ബ്രഹ്മപുരം വിഷയത്തില് എസ്എസ്എല്സി, +2 പരീക്ഷകള് മാറ്റിവയ്ക്കില്ല. ബുദ്ധിമുട്ടുണ്ടാകാതിരിക്കാന് ക്രമീകരണങ്ങള് ഏര്പ്പെടുത്തിയിട്ടുണ്ടെന്നും വിദ്യാഭ്യാസമന്ത്രി വി ശിവന്കുട്ടി വ്യക്തമാക്കി.
പ്രതികരിക്കാൻ ഇവിടെ എഴുതുക