കല്പ്പറ്റ: വയനാട്ടില് കല്പ്പറ്റയിലെ ഹോട്ടലില് നിന്നും ഭക്ഷണം കഴിച്ച 22 പേര്ക്ക് ഭക്ഷ്യവിഷബാധയേറ്റു. ഇന്നലെ രാത്രി ഒമ്പതുമണിയോടെ ഹോട്ടലില് നിന്നും ഭക്ഷണം കഴിച്ചവര്ക്കാണ് അസ്വസ്ഥത അനുഭവപ്പെട്ടത്. ഒരു കുടുംബത്തിലെ പതിനഞ്ചോളം പേര് ആശുപത്രിയില് ചികിത്സ തേടി. ഏഴോളം പേര് കോഴിക്കോടും ചികിത്സ തേടിയതായാണ് റിപ്പോര്ട്ട്.
പരിശോധനയില് ഹോട്ടലില് നിന്ന് വൃത്തിഹീനമായ സാഹചര്യത്തില് സൂക്ഷിച്ച ഭക്ഷ്യവസ്തുക്കള് പിടികൂടി. ഇറച്ചിയുള്പ്പടെയുള്ള ഭക്ഷ്യവസ്തുക്കള് വൃത്തിഹീനമായാണ് സൂക്ഷിച്ചിരിക്കുന്നതെന്ന് പരിശോധനയില് കണ്ടെത്തിയതായി ആരോഗ്യ വകുപ്പ് അധികൃതര് അറിയിച്ചു. എല്ലാവരുടേയും ആരോഗ്യനില തൃപ്തികരമാണെന്നാണ് ആശുപത്രി അധികൃതര് അറിയിച്ചത്.
പ്രതികരിക്കാൻ ഇവിടെ എഴുതുക