തലമുടി നരക്കുന്നത് വാർധക്യത്തിന്റെ ലക്ഷണമാണ്. എന്നാല് ചിലര്ക്ക് ഇത് ചെറുപ്രായത്തിൽ തന്നെ സംഭവിക്കാറുണ്ട്. ഇത്തരത്തിലുള്ള അകാലനര ചിലര്ക്ക് ഏറെ ബുദ്ധിമുട്ടുണ്ടാക്കുന്ന കാര്യമാണ്. പല കാരണങ്ങള് കൊണ്ടും അകാലനര ഉണ്ടാകാം
നരയ്ക്കുള്ള പരിഹാരമാണ് ഉണക്ക മുന്തിരി. ഇത് വെള്ളത്തില് കുതിര്ത്ത് കഴിക്കുന്നത് നല്ലതാണ്. വിറ്റാമിനുകളും ധാതുക്കളും ആന്റിഓക്സിഡന്റുകളും മറ്റും അടങ്ങിയ ഒരു ഡ്രൈഫ്രൂട്ടാണ് ഉണക്കമുന്തിരി.
ഉണക്ക മുന്തിരിയിൽ അയേൺ, കോപ്പർ, ബി കോംപ്ലക്സ് വിറ്റമിനുകൾ എന്നിവ അടങ്ങിയിട്ടുള്ളതിനാല് പതിവായി ഇവ കഴിച്ചാൽ ഇരുമ്പിന്റെ അഭാവം അകറ്റാനും വിളർച്ച തടയാനും സാധിക്കും. ഉണക്ക മുന്തിരിയില് കാത്സ്യം ധാരാളം അടങ്ങിയിട്ടുണ്ട്. അതിനാല് ഇവ എല്ലുകളുടെ ആരോഗ്യത്തിനും ഏറെ നല്ലതാണ്. നാരുകൾ ധാരാളം അടങ്ങിയതിനാൽ ഇവ മലബന്ധം അകറ്റാനും സഹായിക്കുന്നു.
ആന്റിഓക്സിഡന്റുകളോടൊപ്പം പൊട്ടാസ്യവും ധാരാളം വിറ്റാമിനുകളും അടങ്ങിയതിനാല് ഉണക്കമുന്തിരി കഴിക്കുന്നത് രക്തസമ്മര്ദ്ദം നിയന്ത്രിക്കാന് സഹായിക്കും. ഉണക്ക മുന്തിരി ശീലമാക്കുന്നത് നിരവധി ക്യാൻസര് സാധ്യതകളെ തടയാൻ സഹായിക്കും എന്നും ചില പഠനങ്ങള് പറയുന്നു.
പ്രതികരിക്കാൻ ഇവിടെ എഴുതുക