ശരീരത്തിന് ഏറെ ആവശ്യമായ ഒന്നാണ് വിറ്റാമിന് ഡി. എല്ലുകളുടെയും പല്ലുകളുടെയും വളര്ച്ചയ്ക്ക് സഹായിക്കുന്ന കാത്സ്യത്തെ നമ്മുടെ ശരീരത്തിലേയ്ക്ക് ആഗിരണം ചെയ്യാന് വിറ്റാമിന് ഡി സഹായിക്കുന്നു. വിറ്റാമിന് ഡിയുടെ കുറവ് പല ആരോഗ്യപ്രശ്നങ്ങളും സൃഷ്ടിക്കാം എന്നാണ് വിദഗ്ധർ പറയുന്നത്.
വിറ്റാമിന് ഡി കിട്ടുന്ന ഭക്ഷണങ്ങള് ഏതൊക്കെയാണെന്ന് നോക്കാം.
മുട്ടയുടെ മഞ്ഞയാണ് ആദ്യമായി ഈ പട്ടികയില് ഉള്പ്പെടുന്നത്. മുട്ടയില് നിന്നും പ്രോട്ടീനുകളോടൊപ്പം വിറ്റാമിന് ഡിയും ലഭിക്കും. അതിനാല് ദിവസവും രാവിലെ ഒരു മുട്ടയുടെ മഞ്ഞ കഴിക്കുന്നത് നല്ലതാണ്.
പാല്, തൈര്, ബട്ടര്, ചീസ് തുടങ്ങിയ പാല് ഉല്പന്നങ്ങളില് നിന്നും ശരീരത്തിന് ആവശ്യമായ വിറ്റാമിന് ഡി ലഭിക്കും.
കൂണ് അഥവ മഷ്റൂം. വിറ്റാമിൻ ഡിയുടെ നല്ല ഉറവിടമായി കണക്കാക്കപ്പെടുന്ന ഭക്ഷണമാണ് കൂണ്. കൊഴുപ്പ് കുറഞ്ഞതും എന്നാല് പോഷകങ്ങള് ധാരാളമുള്ളതുമാണ് ഇവ. കൂണ് ആഴ്ചയില് രണ്ട് ദിവസം വരെയൊക്കെ ഡയറ്റില് ഉള്പ്പെടുത്തുന്നത് നല്ലതാണ്.
വിറ്റാമിൻ ഡിയുടെ നല്ല ഉറവിടമാണ് ഓറഞ്ച് ജ്യൂസ്. അതിനാല് ഓറഞ്ച് ജ്യൂസ് ദിവസവും കുടിക്കുന്നത് നല്ലതാണ്. വിറ്റാമിന് സിയും അടങ്ങിയ ഇവ പ്രതിരോധശേഷി വര്ധിപ്പിക്കാനും സഹായിക്കും.
ധാന്യങ്ങളും പയർ വർഗങ്ങളും കഴിക്കുന്നതും വിറ്റാമിന് ഡി ലഭിക്കാന് സഹായിക്കും. അതിനാല് ഗോതമ്പ്, റാഗ്ഗി, ഓട്സ് എന്നിവ ഡയറ്റില് ഉള്പ്പെടുത്തുന്നത് നല്ലതാണ്.
മഗ്നീഷ്യം ധാരാളം അടങ്ങിയ ഏത്തപ്പഴം വിറ്റാമിന് ഡിയുടെ പ്രവര്ത്തനത്തെ ഉത്തേജിപ്പിക്കും.
റെഡ് മീറ്റാണ് അടുത്തതായി ഈ പട്ടികയില് ഉള്പ്പെടുന്നത്. വിറ്റാമിന് ഡി അടങ്ങിയിട്ടുണ്ടെങ്കിലും മിതമായ അളവില് മാത്രം ഇവ കഴിക്കുക.
കറിവേപ്പില ഡയറ്റില് ഉള്പ്പെടുത്തുന്നതും വിറ്റാമിന് ഡി ലഭിക്കാന് സഹായിക്കും.
പ്രതികരിക്കാൻ ഇവിടെ എഴുതുക