തിരുവനന്തപുരം: സംസ്ഥാനത്തെ സാമ്പത്തിക പ്രതിസന്ധിയിൽ സർക്കാരിനെതിരെ വിമർശനവുമായി ഗവര്ണര് ആരിഫ് മുഹമ്മദ് ഖാന്. നീന്തല്ക്കുളത്തിനും ആഘോഷത്തിനുമായി സർക്കാർ കോടികള് ചെലവഴിക്കുന്നു. എന്നാല് പെന്ഷനും റേഷനും ശമ്പളവും നൽകാൻ പണമില്ലെന്നും ഗവര്ണര് വിമർശിച്ചു. സംസ്ഥാനത്തെ സാമ്പത്തിക പ്രതിസന്ധി രാജ്ഭവനെയും ബാധിച്ചതായും ഗവര്ണര് പറഞ്ഞു.
താന് ഭരണഘടനാ പ്രതിസന്ധി ഉണ്ടാക്കിയിട്ടുണ്ടെങ്കില് അതിന്റെ തെളിവ് തരൂ എന്നും ഗവര്ണര് ആവശ്യപ്പെട്ടു. സംസ്ഥാന സര്ക്കാര് സുപ്രീംകോടതിയില് സമര്പ്പിച്ച ഹര്ജിയിലെ ആരോപണങ്ങള് അടിസ്ഥാനരഹിതമാണെന്നും താന് സംസ്ഥാനത്തെ ഇകഴ്ത്തുന്നു എന്നത് സിപിഎമ്മിന്റെ രാഷ്ട്രീയ ആരോപണം മാത്രമാണെന്നും ഗവര്ണര് പ്രതികരിച്ചു.
ഇത്തരം രാഷ്ട്രീയ ആരോപണങ്ങളോട് പ്രതികരിക്കാനില്ലെന്നും ഗവര്ണര് പറഞ്ഞു. സംസ്ഥാനത്തെ സാമ്പത്തിക പ്രതിസന്ധിയില് കഴിഞ്ഞ ദിവസവും സര്ക്കാരിനെ ഗവര്ണര് രൂക്ഷമായി വിമര്ശിച്ചിരുന്നു. പണം അനാവശ്യമായി പാഴാക്കുകയാണെന്നും, വ്യക്തിപരമായ ആവശ്യങ്ങള്ക്കായി സ്വിമ്മിങ് പൂള് നിര്മ്മിക്കുന്നുവെന്നും ഗവര്ണര് കുറ്റപ്പെടുത്തിയിരുന്നു.
പ്രതികരിക്കാൻ ഇവിടെ എഴുതുക