പത്തനംതിട്ട: മണ്ഡലകാലത്തോടനുബന്ധിച്ച് ശബരിമല ദർശനത്തിനായി ഇരുമുടിക്കെട്ടില്ലാതെ വരുന്ന ഭക്തർക്ക് കെട്ടുനിറച്ച് മല കയറാൻ അവസരമൊരുക്കി ദേവസ്വം ബോർഡ്. പമ്പ ഗണപതി ക്ഷേത്രത്തിലെ കെട്ടുനിറ മണ്ഡപത്തിലെ സൗകര്യം ദിവസവും പ്രയോജനപ്പെടുത്തുന്നത് നൂറുകണക്കിന് തീർത്ഥാടകരാണ്.
ഒരേസമയം 10 പേർക്ക് കെട്ടിനിറയ്ക്കാനുള്ള സൗകര്യമാണുള്ളത്. 300 രൂപയാണ് കെട്ടുനിറയ്ക്കായി ദേവസ്വം ബോർഡ് ഈടാക്കുന്നത്.
ശബരിമല നട തുറന്നിരിക്കുന്ന ദിവസങ്ങളിൽ 24 മണിക്കൂറും പമ്പ ഗണപതി ക്ഷേത്രത്തിലെ കെട്ടുനിറ മണ്ഡപത്തിൽ കെട്ടിനിറയ്ക്കാനുള്ള സൗകര്യമുണ്ട്.
ആചാരപ്രകാരം മല ചവിട്ടാൻ ഇറങ്ങുമ്പോൾ നടത്തുന്ന എല്ലാ ചടങ്ങുകളോടെയുമാണ് പമ്പയിലെ കെട്ടുനിറ. ഗണപതി ക്ഷേത്രം മേല്ശാന്തിയോ സഹശാന്തിമാരോ ആണ് ഇരുമുടി നിറച്ച് തലയിലേറ്റുന്നത്.
പ്രതികരിക്കാൻ ഇവിടെ എഴുതുക