ഈന്തപ്പഴം വിറ്റാമിനുകളുടെ കലവറയാണ്. ഇതില് ഉയര്ന്ന അളവില് സ്വാഭാവിക പഞ്ചസാര അടങ്ങിയിട്ടുണ്ട്. ഗ്ലൂക്കോസ്, സൂക്രോസ്, ഫ്രക്റ്റോസ് എന്നിവയെ കൂടാതെ വിറ്റാമിന് സി, ബി1,ബി2, ബി3, ബി5, എ, കെ തുടങ്ങിയ വിറ്റാമിനവുകളും ഈന്തപ്പഴത്തിലുണ്ട്. ഫൈബര്, പ്രോട്ടീന്, കാത്സ്യം, ഇരുമ്പ്, പൊട്ടാസ്യം, ഫോസ്ഫറസ്, മഗ്നീഷ്യം, സിങ്ക് തുടങ്ങിയ പോഷകങ്ങളും ഈന്തപ്പഴത്തിലുണ്ട്.
ഈന്തപ്പഴം കഴിക്കുന്നത് ഹൃദയാരോഗ്യത്തിന് ഏറെ നല്ലതാണ്. കൊളസ്ട്രോള് കുറയ്ക്കുന്നതിന് ഇവ സഹായിക്കുമെന്നാണ് വിദഗ്ധര് പറയുന്നത്. ഈന്തപ്പഴത്തിലെ മഗ്നീഷ്യം, പൊട്ടാസ്യം എന്നിവയുടെ സാന്നിധ്യം രക്തസമ്മർദ്ദം നിയന്ത്രിക്കുന്നതിനും സഹായിക്കുന്നു.
ഉയർന്ന അളവിൽ ഫൈബർ അടങ്ങിയിട്ടുള്ളത് കൊണ്ട് തന്നെ പ്രമേഹരോഗികൾ ഈന്തപ്പഴം കഴിക്കുന്നതിൽ പ്രശ്നമൊന്നുമില്ലെന്നാണ് വിദഗ്ധര് പറയുന്നത്. കൂടാതെ ഈന്തപ്പഴത്തിന്റെ ഗ്ലൈസെമിക് ഇൻഡക്സ് കുറവാണ്. ഇവ തലച്ചോറിന്റെ ആരോഗ്യത്തിന് ഏറെ നല്ലതാണ്.
രാത്രി മുഴുവന് വെള്ളത്തില് ഇട്ട് കുതിര്ത്ത ഈന്തപ്പഴം രാവിലെ വെറുംവയറ്റില് കഴിക്കുന്നത് ശരീരത്തില് ഇരുമ്പിന്റെ അംശം കൂടാനും വിളര്ച്ചയെ തടയാനും സഹായിക്കും.
ഈന്തപ്പഴം കുതിര്ത്ത് കഴിക്കുന്നത് ദഹനം എളുപ്പമാകാനും സഹായിക്കും. ഫൈബര് ധാരാളം അടങ്ങിയ ഇവ മലബന്ധം അകറ്റാനും സഹായിക്കും.
ഈന്തപ്പഴം ചര്മ്മത്തിന്റെ ആരോഗ്യത്തിനും നല്ലതാണ്. എല്ലുകളുടെ ആരോഗ്യത്തിനും ഇവ സഹായിക്കും.
പ്രതികരിക്കാൻ ഇവിടെ എഴുതുക