ന്യൂഡൽഹി: പാർലമെൻറ് സുരക്ഷവീഴ്ച സംബന്ധിച്ച് യുഎപിഎ ചുമത്തി ഡല്ഹി പൊലീസ് കേസെടുത്തു. അന്വേഷണം പുരോഗമിക്കുകയാണെന്ന് ഡല്ഹി പൊലീസിന്റെ സ്പെഷ്യല് സെല് അറിയിച്ചു.
അതേസമയം, പ്രതികളില് ഒരാള് പാര്ലമെന്റിന്റെ വര്ഷകാല സമ്മേളനത്തിനിടെ ഡല്ഹിയില് സന്ദര്ശനം നടത്തിയിരുന്നെന്നും പൊലീസ് കണ്ടെത്തിയിട്ടുണ്ട്. കഴിഞ്ഞ ജനുവരി മുതല് തന്നെ പദ്ധതി ആസൂത്രണം ചെയ്തുതുടങ്ങിയിരുന്നെന്നും അന്വേഷണ ഉദ്യോഗസ്ഥന് പറഞ്ഞു.
ക്രിമിനല് ഗൂഢാലോചന, അതിക്രമം, യുഎപിഎയുടെ 16, 18 വകുപ്പുകള് എന്നിവയാണ് ഡല്ഹി പൊലീസ് പ്രതികള്ക്കെതിരെ ചുമത്തിയത്.
പാര്ലമെന്റില് സുരക്ഷാ വീഴ്ചയുണ്ടായ സാഹചര്യത്തില് കൂടുതല് ക്രമീകരണങ്ങളും നിയന്ത്രണങ്ങളും ഏര്പ്പെടുത്തിയിട്ടുണ്ട്. എംപിമാരെ പ്രത്യേക ഗേറ്റിലൂടെ കടത്തിവിടാനാണ് പുതിയ തീരുമാനം.
സിആര്പിഎഫ് ഡി ജി അനീഷ് ദയാലിന്റെ നേതൃത്വത്തിലാണ് അന്വേഷണം നടക്കുന്നത്. സംഘത്തില് മറ്റ് സുരക്ഷ ഏജന്സികളിലെ ഉദ്യോഗസ്ഥരും വിദഗ്ധരും പങ്കാളികളാകും. പാര്ലമെന്റിന്റെ സുരക്ഷാ ലംഘനത്തിന്റെ കാരണങ്ങളെക്കുറിച്ചും അന്വേഷിച്ചുവരികയാണ്.
പ്രതികരിക്കാൻ ഇവിടെ എഴുതുക