തിരുവനന്തപുരം: നവകേരള സദസ്സിനായി പങ്കെടുക്കാനായി മുഖ്യമന്ത്രിയും മന്ത്രിമാരും സഞ്ചരിച്ച നവകേരള ബസ് വാടകയ്ക്ക് നല്കാന് ആലോചിക്കുന്നതായി റിപ്പോര്ട്ടുകള്. വിവാഹം, തീര്ത്ഥാടനം, വിനോദയാത്ര എന്നിങ്ങനെ സ്വകാര്യ ആവശ്യങ്ങള്ക്കായി ബസ് വിട്ടുനല്കാനാണ് തീരുമാനം. അതേസമയം, ബസിന്റെ ഭാവി റൂട്ട് സംബന്ധിച്ച് പുതിയ ഗതാഗതമന്ത്രിയായിരിക്കും അന്തിമ തീരുമാനം എടുക്കുക.
തുടക്കം മുതല് നിരവധി വിമര്ശനങ്ങള് ഏറ്റുവാങ്ങിയതാണ് നവകരേള ബസ്. കേരള ക്യാബിനറ്റ് ഒന്നടങ്കം യാത്ര ചെയ്ത ഈ ബസ് ഇനി ആര്ക്കും സഞ്ചരിക്കാവുന്ന റൂട്ടിലേക്കാണ് ഓടുന്നത്. ആകെ 25 സീറ്റുകള് മാത്രം ബസിലുള്ളത്. എസിയാണെങ്കിലും സ്ലീപ്പര് അല്ലാത്തതിനാല് ദീര്ഘദൂര യാത്രയ്ക്കും അത്ര അനുയോജ്യമല്ല. അതിനാലാണ് സ്വകാര്യ ആവശ്യങ്ങള്ക്ക് നല്കാന് ആലോചിക്കുന്നത്.
വിവാഹപ്പാര്ട്ടികള്ക്കും തീര്ത്ഥാടക സംഘത്തിനും വിനോദയാത്ര പോകുന്നവര്ക്കും ഉപയോഗിക്കാവുന്നതാണ്. നവകേരള സദസിനായുള്ള ഓട്ടത്തിനിടെ ഗ്ലാസില് ചിലയിടങ്ങളില് പോറല് വന്നിട്ടുണ്ട്. കാനം രാജേന്ദ്രന്റെ മരണത്തെതുടര്ന്ന് മാറ്റിവച്ച എറണാകുളം ജില്ലയിലെ രണ്ട് ദിവസത്തെ പരിപാടി കൂടി കഴിഞ്ഞ ശേഷം ബസിന്റെ അറ്റകുറ്റപ്പണി നടത്തും.
പ്രതികരിക്കാൻ ഇവിടെ എഴുതുക