ഉപയോക്താക്കള്ക്ക് പുതിയ ഫീച്ചറുമായി വാട്സ്ആപ്പ്. വോയ്സ് മെസ്സേജുകൾക്കായി വാട്സ്ആപ്പ് ‘വ്യൂ വണ്സ്’ ഫീച്ചര് പരീക്ഷിക്കുന്നതായാണ് റിപ്പോര്ട്ട്.
ആപ്പിന്റെ ബീറ്റ പതിപ്പ് ഉപയോഗിക്കുന്ന ആന്ഡ്രോയിഡ്, ഐഒഎസ് ഉപയോക്താക്കള്ക്കായി ഈ ഫീച്ചര് നിലവില് പരീക്ഷണ ഘട്ടത്തിലാണ്.
ഉപയോക്താക്കളുടെ സന്ദേശങ്ങളില് കൂടുതല് സ്വകാര്യത ലഭിക്കുന്നതിനായി ഫോട്ടോകള്ക്കും വീഡിയോകള്ക്കുമായാണ് വാട്സ്ആപ്പ് ‘വ്യൂ വണ്’ അവതരിപ്പിച്ചിരുന്നു.
വോയിസ് നോട്ടുകള് ‘വ്യൂ വണ്സ്’ ഫീച്ചറിലൂടെ എക്സ്പോര്ട്ട്, ഫോര്വേഡ് ചെയ്യുന്നതില് നിന്നും സേവ് ചെയ്യുന്നതില് നിന്നും അല്ലെങ്കില് റെക്കോര്ഡ് ചെയ്യുന്നതില് നിന്നും സ്വീകര്ത്താവിനെ തടയുന്നു. ‘വ്യൂ വണ്സ്’ എന്ന ഓഡിയോ സന്ദേശം സ്വീകര്ത്താവ് ഒരിക്കല് കേട്ടാല് അപ്രത്യക്ഷമാകും.
നിങ്ങളുടെ എല്ലാ വ്യക്തിഗത സന്ദേശങ്ങളേയും പോലെ, വാട്ട്സ്ആപ്പ് നിങ്ങളുടെ വോയ്സ് സന്ദേശങ്ങളെ ഡിഫോള്ട്ടായി എന്ഡ്-ടു-എന്ഡ് എന്ക്രിപ്ഷന് ഉപയോഗിച്ച് സംരക്ഷിക്കുന്നു.
പ്രതികരിക്കാൻ ഇവിടെ എഴുതുക