തിരുവനന്തപുരം: ആറ്റുകാല് പൊങ്കാലയോടനുബന്ധിച്ച് ഭക്ഷ്യസ്ഥാപനങ്ങള്ക്ക് പ്രത്യേക നിർദേശവുമായി ഭക്ഷ്യസുരക്ഷാ വകുപ്പ്.
തീര്ഥാടകര്ക്കും പൊതുജനങ്ങള്ക്കും ഭക്ഷ്യസുരക്ഷ ഉറപ്പു വരുത്തുന്നതിനായി ഭക്ഷ്യസ്ഥാപനങ്ങള് ഭക്ഷ്യസുരക്ഷാ മാനദണ്ഡങ്ങള് പാലിച്ചു പ്രവര്ത്തിക്കണമെന്ന് നിർദേശത്തിൽ പറയുന്നു.
എല്ലാ ഭക്ഷ്യസ്ഥാപനങ്ങളും ഭക്ഷ്യസുരക്ഷാ ലൈസന്സിന്റെ/ രജിസ്ട്രേഷന്റെ പകര്പ്പ് സ്ഥാപനങ്ങളില് പ്രദര്ശിപ്പിക്കണം.
സ്ഥാപനത്തിലെ മുഴുവന് ജീവനക്കാരുടെയും ഹെല്ത്ത് സര്ട്ടിഫിക്കറ്റ് സ്ഥാപനത്തില് ഉപയോഗിക്കുന്ന വെള്ളത്തിന്റെ ശുദ്ധി ഉറപ്പു വരുത്തുന്ന സര്ട്ടിഫിക്കറ്റ് എന്നിവാ പരിശോധനാ സമയം ഹാജരാക്കണം.
ഭക്ഷ്യസംരംഭകര്, പാചകത്തൊഴിലാളികള് എന്നിവര്ക്കായി ഭക്ഷ്യ സുരക്ഷാ വകുപ്പ് ബോധവത്കരണ ക്ലാസ് 13 ന് നടത്തും.
[email protected] ലേക്ക് ക്ലാസില് പങ്കെടുക്കുന്നവരുടെ പേര്, ഫോണ് നമ്പര്, ഭക്ഷ്യസുരക്ഷാ രജിസ്ട്രേഷന് നമ്പര് എന്നിവ നല്കി രജിസ്റ്റര് ചെയ്യണം.
അന്നദാനം, ലഘുഭക്ഷണം, ശീതള പാനീയം, ദാഹജല വിതരണം എന്നിവ നടത്തുന്ന സ്ഥാപനങ്ങളും സംഘടനകളും വ്യക്തികളും ഭക്ഷ്യ സുരക്ഷാ വകുപ്പിന്റെ രജിസ്ട്രേഷന് മുന്കൂറായി എടുക്കണം.
അക്ഷയ കേന്ദ്രങ്ങളില് ഇതിനുള്ള സംവിധാനം ലഭ്യമാണ്. ഭക്ഷണവുമായി ബന്ധപ്പെട്ടുണ്ടാകുന്ന പരാതികള് 1800 425 1125 എന്ന ടോള്ഫ്രീ നമ്പറില് അറിയിക്കാം.
പ്രതികരിക്കാൻ ഇവിടെ എഴുതുക