സിദ്ധാര്ത്ഥ് ആനന്ദിന്റെ സംവിധാനത്തിൽ റിലീസ് ചെയ്ത ‘ഫൈറ്റര്’ സിനിമക്കെതിരെ വക്കീല് നോട്ടീസ്. ഹൃത്വിക് റോഷന്റെയും ദീപിക പദുക്കോണിന്റെയും നായികാനായകന്മാരായി യൂണിഫോമില് ചുംബിക്കുന്ന രംഗം ചിത്രത്തില് ഉള്പ്പെടുത്തിയതിനാണ് നോട്ടീസ് അയച്ചിരിക്കുന്നത്. അസം സ്വദേശിയും വ്യോമസേനാ വിംഗ് കമാന്ററുമായ സൗമ്യ ദീപ് ദാസാണ് സിനിമക്കെതിരെ പരാതി കൊടുത്തത്. യൂണിഫോമിട്ട് ചുംബിക്കുന്ന രംഗത്തിലൂടെ വ്യോമസേനയെ അപമാനിക്കുന്നുവെന്നാണ് പരാതിയിലെ ആരോപണം.
ഇന്ത്യന് വ്യോമസേനയുടെ യൂണിഫോം വെറും വസ്ത്രമല്ല. ദേശ സുരക്ഷയുടെയും നിസ്വാര്ഥ സേവനത്തിന്റെയും ധീരതയുടെയും അച്ചടക്കത്തിന്റെയും ത്യാഗത്തിന്റെയും പ്രതീകമാണ്. ചിത്രത്തിലെ ചുംബനരംഗം വ്യോമസേനയ്ക്ക് അപമാനമായി. ദേശത്തെ സ്നേഹിക്കുന്ന തങ്ങളുടെ അഭിമാനത്തെ ചോദ്യം ചെയ്യുകയാണ്. യൂണിഫോം ഇട്ടുകൊണ്ട് നടത്തുന്ന ഇത്തരം ചെയ്തിങ്ങള് മൂല്യത്തിന് നിരക്കാത്തതാണ്- നോട്ടീസില് പറയുന്നു.
വ്യോമസേനാ സംഘം ഭീകരാക്രമണത്തെ നേരിടുന്നതാണ് സിനിമയിൽ ചിത്രീകരിക്കുന്നത്. യുദ്ധ വിമാനത്തിന്റെ പൈലറ്റുമാരായ ഷംഷേര് പത്താനിയ, മിനാല് റാത്തോഡ് എന്നീ കഥാപാത്രങ്ങളെ യഥാക്രമം ഹൃത്വിക് റോഷനും ദീപിക പദുക്കോണും അവതരിപ്പിക്കുന്നു.
പ്രതികരിക്കാൻ ഇവിടെ എഴുതുക