ഗുലാബ് ജാമുൻ വളരെ പ്രശസ്തമായ ഒരു ഇന്ത്യൻ പലഹാരമാണ്. കുട്ടികൾക്ക് ഏറെ ഇഷ്ടപ്പെടുന്ന സ്വീറ്റാണ് ഗുലാബ് ജാമുൻ. വളരെ കുറച്ച് ചേരുവകൾ കൊണ്ട് തന്നെ ഗുലാബ് ജാമുൻ തയ്യാറാക്കാവുന്നതാണ്.
വേണ്ട ചേരുവകൾ…
പാൽപൊടി 1 കപ്പ്
മൈദ 120 ഗ്രാം
ബേക്കിങ് പൗഡർ 1 1/2 ടീസ്പൂൺ
പഞ്ചസാര 60 ഗ്രാം
പാൽ 50 മില്ലി
റോസ് എസ്സൻസ് ആവശ്യത്തിന്
നെയ്യ് ആവശ്യത്തിന്
തയ്യാറാക്കുന്ന വിധം…
ആദ്യം പാൽപൊടി, മൈദ, ബേക്കിങ് പൗഡർ , നെയ്യ്, പാല് എന്നിവ ചേർത്ത് മാവ് തയ്യാറാക്കുക. നല്ലതുപോലെ കുഴച്ചശേഷം ചെറിയ ഉരുളാക്കി എടുക്കുക. ശേഷം നെയ്യിൽ കരിയാതെ വറുത്തുകോരുക. പഞ്ചസാരപ്പാനി തയ്യാറാക്കി തണുത്ത ശേഷം പാനിയിലേക്ക് ഓരോ ഉരുളകൾ ഇടുക. സെറ്റാകാൻ കുറച്ച് നേരം മാറ്റിവയ്ക്കുക. ശേഷം കഴിക്കുക.
പ്രതികരിക്കാൻ ഇവിടെ എഴുതുക