പഞ്ചസാരയ്ക്ക് പകരം ഉപയോഗിക്കാവുന്ന പ്രകൃതിദത്ത മധുരമാണ് ശര്ക്കര. അയേണ്, പൊട്ടാസ്യം, കാത്സ്യം, സിങ്ക്, ഫോസ്ഫറസ്, കോപ്പര്, മഗ്നീഷ്യം തുടങ്ങിയവ ശര്ക്കരയില് ധാരാളമായി അടങ്ങിയിട്ടുണ്ട്. ശർക്കരയിൽ പൊട്ടാസ്യം, മഗ്നീഷ്യം, സോഡിയം തുടങ്ങിയ ഇലക്ട്രോലൈറ്റുകളും അടങ്ങിയിട്ടുണ്ട്.
ശർക്കര ഏത് കാലാവസ്ഥയിലും ഉപയോഗിക്കുന്നത് നല്ലതാണ്, എന്നാൽ വേനൽക്കാലത്ത് ശർക്കര ഡയറ്റില് ഉള്പ്പെടുത്തുന്നത് മികച്ചതാണെന്നാണ് മുംബൈയിലെ സർ എച്ച്എൻ റിലയൻസ് ഫൗണ്ടേഷൻ ഹോസ്പിറ്റലിലെ ക്ലിനിക്കൽ ഡയറ്റീഷ്യൻ ഡോ.വേദിക പ്രേമാനി പറയുന്നത്.
ശരീരത്തിലെ ദ്രാവക സന്തുലിതാവസ്ഥ നിലനിർത്തുന്നതിനും ശരീരത്തെ തണുപ്പിക്കാനും നിർജ്ജലീകരണം തടയുന്നതിനും ഇവ സഹായിക്കും. ശരീര താപനില നിയന്ത്രിക്കാനും ചൂടുള്ള കാലാവസ്ഥയിൽ ശരീരം തണുക്കാനും ശർക്കര കഴിക്കുന്നത് നല്ലതാണെന്നും ഡോ.വേദിക പറയുന്നു.
കാത്സ്യവും അയേണും മറ്റും അടങ്ങിയ ശര്ക്കര കഴിക്കുന്നത് എല്ലുകളുടെ ആരോഗ്യത്തിനും നല്ലതാണ്. ദഹനം മെച്ചപ്പെടുത്താനും മലബന്ധത്തെ തടയാനും ഡയറ്റില് ശര്ക്കര ഡയറ്റില് ഉള്പ്പെടുത്തുന്നത് നല്ലതാണ്. അയേണിന്റെ കുറവിനെ പരിഹരിക്കാനും വിളര്ച്ചയെ തടയാനും ശർക്കര സഹായിക്കും. ആന്റി ഓക്സിഡന്റുകള് ധാരാളം അടങ്ങിയ ശര്ക്കര ഡയറ്റില് ഉള്പ്പെടുത്തുന്നത് രോഗ പ്രതിരോധശേഷി കൂട്ടാനും സഹായിക്കും.
ചെറുചൂടുവെള്ളത്തില് ശര്ക്കര ചേര്ത്ത് കുടിക്കുന്നത് രക്തസമ്മര്ദ്ദത്തെ നിയന്ത്രിക്കാനും സഹായിക്കും. വണ്ണം കുറയ്ക്കാന് ആഗ്രഹിക്കുന്നവര്ക്കും ശർക്കര ഡയറ്റില് ഉള്പ്പെടുത്താം.
പ്രതികരിക്കാൻ ഇവിടെ എഴുതുക