ഒരു ദിവസം മുഴുവൻ ശരീരത്തിന്റെയും മനസിന്റെയും ഉൻമേഷവും ഊർജ്ജവും നിലനിർത്തണമെങ്കിൽ പ്രഭാത ഭക്ഷണം നിർബന്ധമായും കഴിക്കണം. കഴിക്കുന്ന ഭക്ഷണം പോഷകസമ്പുഷ്ടവും ആകണം. രാവിലെ വ്യായാമത്തിന് ശേഷമുള്ള കഴിക്കേണ്ട അഞ്ച് ആരോഗ്യകരമായ പ്രഭാതഭക്ഷണങ്ങളിതാ…
ഒന്ന്…
പ്രോട്ടീന്റെ മികച്ച ഉറവിടമാണ് തൈര്. തെെര് വിവിധ പഴങ്ങൾ ചേർത്ത് പ്രഭാതഭക്ഷണത്തിൽ ഉൾപ്പെടുത്തുന്നത് മൊത്തത്തിലുള്ള ആരോഗ്യത്തിന് വളരെ നല്ലതാണ്. പഴങ്ങൾ കഴിക്കുന്നത് നാരുകളുടെ അളവ് വർദ്ധിപ്പിക്കുന്നു. പ്രോട്ടീനിന്റെയും നാരുകളുടെയും സംയോജനം വിശപ്പ് കുറയ്ക്കുന്നതിന് സഹായിക്കും.
രണ്ട്…
ശരീരത്തിന് എളുപ്പത്തിൽ ദഹിപ്പിക്കാനും ആഗിരണം ചെയ്യാനും കഴിയുന്നതിനാൽ പ്രോട്ടീൻ സ്മൂത്തി ഒരു മികച്ച ബ്രേക്ഫാസ്റ് ഓപ്ഷനാണ്. കൂടുതൽ പോഷകാഹാരത്തിനായി സ്മൂത്തിയിൽ പ്രോട്ടീൻ പൗഡർ, പഴങ്ങൾ, പച്ചക്കറികൾ എന്നിവ മിക്സ് ചെയ്യാം.
മൂന്ന്…
ഊർജ്ജം പകരുന്ന സങ്കീർണ്ണമായ കാർബോഹൈഡ്രേറ്റുകളും ദഹനത്തെ പ്രോത്സാഹിപ്പിക്കുന്ന നാരുകളും ഓട്സിൽ അടങ്ങിയിരിക്കുന്നു. പ്രോട്ടീനും അടങ്ങിയിരിക്കുന്നതിനാൽ ഒരു ബൗൾ ഓട്സ് വർക്ക്ഔട്ടിനു ശേഷം കഴിക്കുന്നത് മികച്ചതാണ്. പഴങ്ങൾ, പരിപ്പ്, വിത്തുകൾ എന്നിവ ഉപയോഗിച്ച് ഓട്സ് തയ്യാറാക്കാവുന്നതാണ്.
നാല്…
അവോക്കാഡോ ടോസ്റ്റ് ഒരു ജനപ്രിയ പ്രഭാതഭക്ഷണമാണ്. കൂടാതെ വേവിച്ചതോ ആയ മുട്ട ചേർത്ത് കൂടുതൽ ആരോഗ്യകരമാക്കാം. മുട്ട പ്രോട്ടീൻ പകരുന്നു, അതേസമയം അവോക്കാഡോ ആരോഗ്യകരമായ കൊഴുപ്പും നാരുകളും ചേർക്കുന്നു.
പ്രതികരിക്കാൻ ഇവിടെ എഴുതുക