യു എ ഇയിൽ ഇന്ന് ഉച്ചകഴിഞ്ഞ് മിന്നലോട് കൂടിയ മഴയ്ക്ക് സാധ്യതയുണ്ടെന്ന് ദുബായ് പോലീസ് മുന്നറിയിപ്പ് നൽകി. റോഡിലെ ദൂരക്കാഴ്ച 1000 മീറ്ററില് താഴെയാകാന് സാധ്യതയുള്ളതിനാല് അപകടങ്ങള് സാധ്യതയുണ്ടെന്നും വാഹനം ഓടിക്കുമ്പോൾ പരമാവധി ശ്രദ്ധ പുലര്ത്തണമെന്നും പൊലീസ് അറിയിച്ചു.
വിവിധ പ്രദേശങ്ങളില് മഴയ്ക്ക് പുറമെ ശക്തമായ കാറ്റിനും സാധ്യതയുള്ളതായി കാലാവസ്ഥാ കേന്ദ്രം അറിയിച്ചിട്ടുണ്ട്. 8.4 ഡിഗ്രി സെല്ഷ്യസായിരുന്നു ഇന്നലത്തെ ഏറ്റവുകുറഞ്ഞ താപനില. കഴിഞ്ഞ ദിവസവും ഇന്ന് രാവിലെയും യുഎഇയില് പലയിടങ്ങളിലും ഭാഗികമായി മഴലഭിച്ചു. ചില പ്രദേശങ്ങളില് പൊടിക്കാറ്റിനും സാധ്യതയുണ്ട്.
പ്രതികരിക്കാൻ ഇവിടെ എഴുതുക