ചെന്നൈ: തമിഴ് നടന് വിശാലിന് പതിനാറുകാരിയുമായി ബന്ധമുണ്ടെന്ന് പ്രചരിപ്പിച്ച സ്ത്രീ അറസ്റ്റില്. ചെന്നൈ സ്വദേശിയായ വിശ്വവര്ഷിണിയെയാണ് പോലീസ് അറസ്റ്റ് ചെയ്തത്. പോക്സോ വകുപ്പുകള് ചുമത്തിയാണ് കേസ് രജിസ്റ്റര് ചെയ്തിരിക്കുന്നത്.
യുവതിയുടെ അയല്വാസിയായ 16 കാരിയുമായി നടന് ബന്ധമുണ്ടെന്നാണ് യുവതി സമൂഹമാധ്യമങ്ങളിലൂടെ പ്രചരിപ്പിച്ചത്. രാത്രി സമയങ്ങളില് പെണ്കുട്ടിയെ കാണാന് വിശാല് മതിലു ചാടി വീട്ടില് വരാറുണ്ടെന്നും, നടന് പെണ്കുട്ടിയുമായി ബന്ധമുണ്ടെന്നതരത്തിലുള്ള വ്യാജ പ്രചാരണങ്ങളാണ് യുവതി സാമൂഹ്യ മാധ്യമങ്ങളിലൂടെ നടത്തിയത്.
തന്റെ കയ്യില് അതിന് തെളിവായുള്ള സിസിടിവി ദൃശ്യങ്ങള് ഉണ്ടെന്നും യുവതി അവകാശപ്പെട്ടു. തുടര്ന്ന് സംഭവം സോഷ്യല് മീഡിയ വഴി പ്രചരിക്കുകയായിരുന്നു. അതേസമയം പെണ്കുട്ടിയുടെ അമ്മയുമായി ഇവര് വഴക്കിലായിരുന്നുവെന്നും പക തീര്ക്കാനായി പെണ്കുട്ടിയെ കുറിച്ച് അപകീര്ത്തികരമായി പ്രചാരണങ്ങള് നടത്തുകയായിരുന്നുവെന്നും പോലീസ് പറയുന്നു.
സംഭവവുമായി ബന്ധപ്പെട്ട് പെണ്കുട്ടിയുടെ അമ്മയാണ് പോലീസില് പരാതി നല്കിയത്. നാമക്കല് ജില്ലയില് നിന്നാണ് യുവതിയെ പോലീസ് അറസ്റ്റ് ചെയ്തിരിക്കുന്നത്. മുന്കൂര് ജാമ്യത്തിന് യുവതി ശ്രമിച്ചുവെങ്കിലും ഹൈക്കോടതി അവരുടെ ആവശ്യം തള്ളി. കേസ് ഇപ്പോള് ക്രൈംബ്രാഞ്ചിന്റെ പരിഗണനയിലാണ്.
പ്രതികരിക്കാൻ ഇവിടെ എഴുതുക