കോണ്ഗ്രസില് നിന്ന് പുറത്താക്കിയ മുന് എം.പി എ.പി.അബ്ദുള്ളക്കുട്ടി ഇന്ന് ബിജെപിയില് ചേരും. ബിജെപിയുടെ പാര്ലമെന്ററി പാര്ട്ടി ഓഫീസിലെത്തിയാണ് അബ്ദുള്ളക്കുട്ടി അംഗത്വം സ്വീകരിക്കുക. പ്രധാനമന്ത്രി നരേന്ദ്രമോഡിയുമായും ബിജെപി അധ്യക്ഷന് അമിത് ഷായുമായും അബ്ദുള്ളക്കുട്ടി നേരത്തെ കൂടിക്കാഴ്ച നടത്തിയിരുന്നു. പാര്ലമെന്റ് മന്ദിരത്തില് ആയിരുന്നു അബ്ദുള്ളക്കുട്ടി പ്രധാനമന്ത്രിയെ കണ്ടത്. ‘ബിജെപിയില് ചേരൂ’, എന്ന് അബ്ദുള്ളക്കുട്ടിയോട് പ്രധാനമന്ത്രി ആവശ്യപ്പെട്ടുവെന്ന് അദ്ദേഹം പറ!ഞ്ഞു. തുടര്ന്നായിരുന്നു അമിത്ഷായുമായുള്ള അബ്ദുള്ളക്കുട്ടിയുടെ കൂടിക്കാഴ്ച.
നേരത്തേ കേരളാ നേതാക്കളുമായി അബ്ദുള്ളക്കുട്ടി കൂടിക്കാഴ്ച നടത്തിയെന്നും ചര്ച്ചകള് നടത്തിയിതായും സൂചനകളുണ്ടായിരുന്നു. ഇതിന് ശേഷമാണ് അബ്ദുള്ളക്കുട്ടി പ്രധാനമന്ത്രിയെ കാണാനെത്തിയത്. നരേന്ദ്രമോദിയുടെ വികസന അജണ്ടയ്ക്ക് കിട്ടിയ അംഗീകാരമാണ് തെരഞ്ഞെടുപ്പിലെ ബിജെപിയുടെ വന് വിജയത്തിന് കാരണം എന്ന് എ പി. അബ്ദുള്ളക്കുട്ടി ഫേസ്ബുക്ക് പോസ്റ്റ് ഇട്ടിരുന്നു. പോസ്റ്റില് മോഡിയുടെ നേട്ടങ്ങള് അക്കമിട്ട് നിരത്തുകയും ചെയ്തിരുന്നു.
മോഡിയെ പ്രകീര്ത്തിച്ചതിനാണ് അബ്ദുള്ളക്കുട്ടിയെ കോണ്ഗ്രസില് നിന്ന് പുറത്താക്കിയത്. ഗുജറാത്ത് വികസന മാതൃകയെ പ്രശംസിച്ചതിനാണ് നേരത്തെ സിപിഎമ്മില് നിന്നും പുറത്താക്കിയത്. മഞ്ചേശ്വരം ഉപതിരഞ്ഞെടുപ്പില് ബിജെപി സ്ഥാനാര്ഥിയായേക്കും എന്ന് അഭ്യൂഹങ്ങളുണ്ട്. അബ്ദുള്ളകുട്ടി ബിജെപിയിലേക്ക് വരുന്നതിനെ കേരളത്തിലെ ബിജെപി നേതൃത്വവും സ്വാഗതം ചെയ്തു.
പ്രതികരിക്കാൻ ഇവിടെ എഴുതുക