മുന് ഐ.എ.എസ് ഉദ്യോഗസ്ഥന് കണ്ണന് ഗോപിനാഥനെ കസ്റ്റഡിയിലെടുത്ത് യു.പി പൊലീസ്. പൗരത്വ ഭേദഗതി നിയമത്തിനെതിരെ ഉത്തര്പ്രദേശില് നടത്തിയ യാത്രക്കിടയിലാണ് യു.പി പൊലീസ് കസ്റ്റഡിയിലെടുത്തത്.
പൗരത്വ ഭേദഗതി നിയമത്തിനെതിരെ പ്രതിഷേധിക്കാന് ഇതിനു മുമ്പ് മറൈന് ഡ്രൈവിലേക്കെത്തിയ കണ്ണന് ഗോപിനാഥനെ കസ്റ്റഡിയിലെടുത്തിരുന്നു. എന്നാല് ശക്തമായ പ്രതിഷേധത്തെ തുടര്ന്ന് അദ്ദേഹത്തെ വിട്ടയക്കുകയായിരുന്നു.
ഉത്തര്പ്രദേശ് അതിര്ത്തിയില് വെച്ചാണ് തന്നെ കസ്റ്റഡിയിലെടുത്തതെന്ന് കണ്ണന് ഗോപിനാഥന് ട്വീറ്റ് ചെയ്തു.
ജമ്മു കശ്മീരിന്റെ പ്രത്യേക പദവി റദ്ദാക്കിയതിന് പിന്നാലെ കശ്മീരില് കേന്ദ്ര സര്ക്കാര് ഏര്പ്പെടുത്തിയ നിയന്ത്രണങ്ങളില് പ്രതിഷേധിച്ചാണ് മലയാളി ഐഎഎസ് ഉദ്യോഗസ്ഥന് കണ്ണന് ഗോപിനാഥന് ഐഎഎസ് ജോലി രാജിവച്ചത്. രാജ്യത്ത് നടക്കുന്നത് തെറ്റാണെന്ന് തോന്നിയിട്ടും മൗനം പാലിക്കാത്തവര് രാജ്യദ്രോഹികളാണെന്നായിരുന്നു അദ്ദേഹത്തിന്റെ അഭിപ്രായം.
തീരുമാനങ്ങള് എടുക്കാനുള്ള അധികാരം സര്ക്കാരിനുണ്ടെന്നും എന്നാല് അവയ്ക്കെതിരെ പ്രതികരിക്കാനുള്ള അവകാശം നിഷേധിക്കാന് സര്ക്കാരിനാകില്ലെന്നും കണ്ണന് ഗോപിനാഥന് അന്ന് പറഞ്ഞിരുന്നു. കോട്ടയം ജില്ലയിലെ പുതുപ്പള്ളി സ്വദശിയും 2012 ബാച്ചിലെ ഉദ്യോഗസ്ഥനുമായ കണ്ണന് ഗോപിനാഥന് ദാദ്ര നഗര് ഹവേലിയിലെ കളക്ടറുമായിരുന്നു.
കാശ്മീര് ജനതയോട് ഐക്യദാര്ഢ്യം പ്രഖ്യാപിച്ചു കൊണ്ടും സ്വതന്ത്രമായി അഭിപ്രായം പറയാന് സാധിക്കുന്നില്ലെന്നും പറഞ്ഞ് രാജിവെച്ച മലയാളി ഐ.എ.എസ്. ഉദ്യോഗസ്ഥന് കണ്ണന് ഗോപിനാഥന് ഉടന് തിരിച്ചു ജോലിയില് പ്രവേശിക്കാനാവശ്യപ്പെട്ട് നോട്ടീസ്. രാജിക്കാര്യത്തില് തീരുമാനമാകുന്നതുവരെ ജോലിയില് തുടരാനാണ് നോട്ടീസില് ആവശ്യപ്പെട്ടിരിക്കുന്നത്. ജമ്മുകശ്മീര് വിഷയത്തില് സ്വതന്ത്ര അഭിപ്രായം രേഖപ്പെടുത്താന് സാധിക്കില്ലെന്നു കാട്ടി ഓഗസ്റ്റ് 21-നാണ് കേന്ദ്ര ആഭ്യന്തരമന്ത്രാലയത്തിനു രാജിക്കത്ത് നല്കിയത്.
കേന്ദ്രഭരണപ്രദേശങ്ങളായ ദാമന് ദിയു, ദാദ്രനദര് ഹവേലി എന്നിവിടങ്ങളിലെ വൈദ്യുത -ഊര്ജവകുപ്പ് സെക്രട്ടറി സ്ഥാനത്തിരിക്കെയാണ് കണ്ണന് രാജിവെച്ചത്. കണ്ണന് ഗോപിനാഥന്റെ രാജിയും വാര്ത്തകളില് നിറഞ്ഞു നിന്നിരുന്നു. രാജി സ്വീകരിക്കാത്ത ജാമന് ദിയു
ഭരണകൂടം വസതയില് നോട്ടീസും പതിച്ചിരുന്നു.
20 ദിവസമായി കശ്മീരിലെ ജനങ്ങള്ക്ക് മൗലിക അവകാശങ്ങള് അനുവദിക്കുന്നില്ല. ഒട്ടേറെ ഇന്ത്യക്കാര് ഇതിനോട് യോജിക്കുന്നു. 2019ലെ ഇന്ത്യയിലാണ് ഇത് നടക്കുന്നത്. കശ്മീരിന് പ്രത്യേക പദവി നല്കുന്ന ആര്ട്ടിക്കിള് 370 റദ്ദാക്കിയത് തന്റെ വിഷയമല്ല. എന്നാല് പൗരന്മാര്ക്ക് അവകാശങ്ങള് നിഷേധിക്കുന്നതിനോട് യോജിക്കാനാകില്ല. ഇതാണ് പ്രശ്നം. പ്രത്യേക പദവി എടുത്തുകളഞ്ഞതിനെ സ്വാഗതം ചെയ്യാനോ പ്രതിഷേധിക്കാനോ കശ്മീരികള്ക്ക് അവകാശമുണ്ട്- അഭിപ്രായ സ്വാതന്ത്ര്യത്തിന് സിവില് സര്വീസ് തടസ്സമാകുന്നു എന്നു പറഞ്ഞു കൊണ്ട് സ്ഥാനം രാജിവെച്ചൊഴിഞ്ഞ കണ്ണന് ഗോപിനാഥന് രാജിക്കത്തില് കുറിച്ചിരുന്നത്.
അധികാരത്തിലിരുന്ന വേളയില് രാഷ്ട്രീയപ്രഭുക്കന്മാരുടെ ഇംഗിതത്തിന് വഴങ്ങാന് തയ്യാറുള്ള വ്യക്തിയല്ല, താനെന്ന് പലതവണ തെളിയിച്ച വ്യക്തിയാണ് അദ്ദേഹം. ‘എനിക്കെന്റെ അഭിപ്രായ സ്വാതന്ത്ര്യം തിരികെ വേണം. മറ്റുള്ളവര്ക്കുവേണ്ടി ശബ്ദിക്കാമെന്നു വിശ്വസിച്ചുകൊണ്ടാണ് ഞാന് സര്വ്വീസില് കയറിയത്. പക്ഷേ എനിക്ക് എന്റെ ശബ്ദം ഉപയോഗിക്കാന് പറ്റാത്ത അവസ്ഥയാണ്. രാജിയിലൂടെ എനിക്ക് അഭിപ്രായ സ്വാതന്ത്ര്യം തിരികെ ലഭിക്കും.’ രാജിക്കത്ത് സമര്പ്പിച്ച ശേഷം കണ്ണന് പറഞ്ഞത് ഇങ്ങനെയാണ്.
പ്രതികരിക്കാൻ ഇവിടെ എഴുതുക