ന്യൂഡല്ഹി: പൗരത്വ ഭേദഗതി നിയമത്തിനെതിരെ തലസ്ഥാനത്ത് സംഘര്ഷം നടക്കുന്ന സാഹചര്യത്തില് കേന്ദ്രസര്ക്കാര് നിലപാടിനെ പിന്തുണച്ച് യു. എസ് പ്രസിഡന്റ് ഡൊണാള്ഡ് ട്രംപ്. ഇന്ത്യയിലെ ജനങ്ങള്ക്ക് മതസ്വാതന്ത്യ്രം വേണമെന്ന് ആഗ്രഹിക്കുന്ന നേതാവാണ് മോദിയെന്നും ട്രംപ് പറഞ്ഞു. ഇന്ത്യയുമായി മൂന്ന് ധാരണാപത്രങ്ങളില് ഒപ്പുവെച്ചതിന് ശേഷം മാദ്ധ്യമങ്ങളോട് സംസാരിക്കവെയാണ് ട്രംപ് ഇക്കാര്യം വ്യക്തമാക്കിയത്.
‘ഞങ്ങള് മതസ്വാതന്ത്ര്യത്തിന്റെ പ്രാധാന്യത്തെ കുറിച്ച് ചര്ച്ച നടത്തി. ജനങ്ങള്ക്ക് മതസ്വാതന്ത്ര്യം ലഭിക്കണമെന്ന് ആഗ്രഹിക്കുന്നതായി മോദി എന്നോട് പറഞ്ഞു. മതസ്വാതന്ത്ര്യത്തിന് വേണ്ടി പരിശ്രമിക്കുന്നുണ്ട്. ചില ഒറ്റപ്പെട്ട ആക്രമണങ്ങളെ കുറിച്ച് കേട്ടു. എന്നാല് അതിനെ കുറിച്ച് ഒന്നും ചര്ച്ച ചെയ്തില്ല. അതെല്ലാം ഇന്ത്യയുടെ ആഭ്യന്തര കാര്യങ്ങളാണ്’- ട്രംപ് പറഞ്ഞു.
പൗരത്വ നിയമ ഭേഗതിക്കെതിരെയുളള പ്രതിഷേധം ഡല്ഹിയില് അക്രമാസക്തമായ പശ്ചാത്തലത്തിലാണ് ട്രംപിന്റെ വാക്കുകള്. കശ്മീര് വിഷയം ഇന്ത്യയും പാകിസ്ഥാനും തമ്മിലുളള പ്രശ്നമാണ്. കശ്മീര് പ്രശ്നം പരിഹിക്കാന് ഇരുവിഭാഗങ്ങളും കാലങ്ങളായി ശ്രമിച്ചുവരികയാണ്. ഇരുവിഭാഗങ്ങളും തമ്മിലുളള പ്രശ്നങ്ങള് പരിഹരിക്കാന് മധ്യസ്ഥത വഹിക്കാമെന്ന് താന് പറഞ്ഞിട്ടുണ്ടെന്നും ട്രംപ് കൂട്ടിച്ചേര്ത്തു. അതേസമയം ഡല്ഹിയലെ സംഘര്ഷത്തില് മരിച്ചവരുടെ എണ്ണം പത്തായി. മൂന്നുദിവസമായി തുടരുന്ന സംഘര്ഷത്തില് ഒരു പോലീസ് ഉദ്യോഗസ്ഥന് അടക്കം ഏഴുപേരാണ് മരിച്ചത്.
പ്രതികരിക്കാൻ ഇവിടെ എഴുതുക