തിരുവനന്തപുരം: കോവിഡ് 19 വ്യാപനത്തെ തുടര്ന്ന് തകര്ന്ന സമ്ബദ് വ്യവസ്ഥയും ജനജീവിതവും തിരികെപ്പിടിക്കാന് 20,000 കോടി രൂപയുടെ സാമ്പത്തിക പാക്കേജ് പ്രഖ്യാപിക്കുമെന്ന് മുഖ്യമന്ത്രി പിണറായി വിജയന്. കുടുംബശ്രീ വഴി വരുന്ന രണ്ടു മാസങ്ങളില് 200കോടി രൂപയുടെ വായ്പ ലഭ്യമാക്കും. ഏപ്രില്, മെയ് മാസങ്ങളില് 1000കോടി രൂപ വീതമുള്ള ഗ്രാമീണ തൊഴിലുറപ്പ് പദ്ധതി നടപ്പാക്കും. ഏപ്രിലില് നല്കേണ്ട സാമൂഹ്യ സുരക്ഷ പെന്ഷന് ഈ മാസം തന്നെ രണ്ടു മാസത്തെ പെന്ഷന് തുക 1320കോടി നല്കുമെന്നും മുഖ്യമന്ത്രി പിണറായി വിജയന് വാര്ത്താ സമ്മേളനത്തില് പറഞ്ഞു.
സംസ്ഥാനത്താകെ എപിഎല് ബിപിഎല് വ്യത്യാസമില്ലാതെ എല്ലാവര്ക്കും ഒരുമാസത്തെ ഭക്ഷ്യധ്യാനം നല്കും. ഇതിന് 100കോടി രൂപ വേണ്ടിവരും. നേരത്തെ പ്രഖ്യാപിച്ച ഭക്ഷണ ശാലകള് ഏപ്രിലില് തന്നെ ആരംഭിക്കും. 1000ഭക്ഷണ ശാലകകളില് പ്രത്യേക സാഹചര്യം കണക്കിലെടുത്ത് 20 രൂപയ്ക്ക് ഭക്ഷണം നല്കും. 50കോടി ഇതിനുവേണ്ടി മാറ്റിവയ്ക്കുമെന്നും അദ്ദേഹം വാര്ത്താ സമ്മേളനത്തില് വ്യക്തമാക്കി.
ഹെല്ത്ത് പാക്കേജിന് 500കോടി രൂപ വകയിരുത്തും. വിവിധ മേഖലയിലുള്ള വ്യക്തികള്ക്കും സ്ഥാപനങ്ങള്ക്കും കൊടുത്തു തീര്ക്കാനുള്ള 10,000കോടി രൂപ കുടിശ്ശിക കൊടുത്തു തീര്ക്കുമെന്നും അദ്ദേഹം വ്യക്തമാക്കി.
പ്രതികരിക്കാൻ ഇവിടെ എഴുതുക