ബംഗളുരു: കര്ണാടകയില് പ്ലാസ്മ തെറാപ്പിക്ക് വിധേയനായ ആദ്യ രോഗി മരിച്ചു. ആന്ധ്രപ്രദേശ് സ്വദേശിയായ 60 കാരനാണ് വ്യാഴാഴ്ച മരിച്ചത്. കൊറോണ സ്ഥിരീകരിച്ച ഇയാള് വിക്ടോറിയ ആശുപത്രിയില് ചികിത്സയിലായിരുന്നു. ഇയാള്ക്ക് ന്യൂമോണിയായും ശ്വാസകോശ സംബന്ധമായ അസുഖങ്ങളും ഉണ്ടായിരുന്നുവെന്നും ആശുപത്രി അധികൃതര് അറിയിച്ചു.
എന്നാല് രോഗിയുടെ മരണം പ്ലാസ്മ തെറാപ്പി ചികില്സ രീതി തെറ്റാണെന്നല്ല തെളിയിക്കുന്നത് എന്നാണ് ചികില്സ നടത്തിയ എച്ച്സിജി ആശുപത്രിയിലെ ഡോക്ടര് സംഘത്തിന് നേതൃത്വം നല്കിയ ഡോ.യുഎസ് വിശാല് റാവു പ്രതികരിച്ചത്.
ഇത് ക്ലിനിക്കല് പരീക്ഷണമാണ്. പ്രത്യേക അനുമതി ലഭിച്ച രോഗിയിലാണ് ഈ ചികില്സ രീതി പരീക്ഷിച്ചത്. കൊറോണ ബാധിച്ച ഗുരുതരാവസ്ഥയിലുള്ള രോഗികളെ രക്ഷിക്കാനുള്ള ചികില്സ രീതിയാണ് ഇതെന്ന് ഡോ.യുഎസ് വിശാല് റാവു വിശദീകരിച്ചു.
കുറച്ച് ദിവസങ്ങള്ക്ക് മുന്പാണ് ഇന്ത്യന് കൗണ്സില് ഫോര് മെഡിക്കല് റിസര്ച്ച് കര്ണാടകയിലെ എച്ച്സിജി ആശുപത്രിക്ക് പ്ലാസ്മ തെറാപ്പിക്ക് അനുമതി നല്കിയത്.
പ്രതികരിക്കാൻ ഇവിടെ എഴുതുക