ന്യൂഡല്ഹി: ഇന്നു മുതല് രാജ്യവ്യാപക പ്രതിഷേധവുമായി കോണ്ഗ്രസ്. പാര്ലമെന്റ് അടുത്തിടെ പാസാക്കിയ രണ്ട് കാര്ഷിക പരിഷ്കരണ ബില്ലുകള്ക്കെതിരെയാണിത്. എല്ലാ സംസ്ഥാനങ്ങളിലും പ്രതിഷേധ റാലികള് സംഘടിപ്പിക്കാനാണ് കോണ്ഗ്രസ് ആഹ്വാനം ചെയ്തിരിക്കുന്നത്. കാര്ഷിക ബില്ലുകള്ക്കൊപ്പം തൊഴില് കോഡ് ബില്ലുകള് പാസാക്കിയതിനെയും പ്രതിപക്ഷം എതിര്ക്കുകയാണ്.
തോമസ് ഐസക്ക് മുന്നോട്ടുവച്ച മൂന്ന് നിര്ദ്ദേശങ്ങളും തള്ളി പ്രതിപക്ഷ സംഘടനകൾ
ഞായറാഴ്ചയാണ് കാര്ഷിക ബില്ല് രാജ്യസഭയില് പാസായത്. ശബ്ദവോട്ടോടുകൂടിയാണ് ബില്ല് സഭയില് പാസാക്കിയത്. ബില്ലുകള് പാസാക്കിയതിന് പിന്നാലെ സഭയില് പ്രതിപക്ഷം പേപ്പറുകള് കീറിയെറിഞ്ഞ് പ്രതിഷേധിച്ചു. കാര്ഷിക ബില്ലുകള് തിരിച്ചയക്കണമെന്ന് ഇന്നലെ ഗുലാംനബി ആസാദിന്റെ നേതൃത്വത്തില് പ്രതിപക്ഷം രാഷ്ട്രപതിയെ കണ്ട് ആവശ്യപ്പെട്ടിരുന്നു. ഈ ആവശ്യം അംഗീകരിക്കപ്പെടാന് സാധ്യതയില്ല.
കര്ഷക പ്രക്ഷോഭങ്ങളെയും പാര്ലമെന്റില് പ്രതിപക്ഷ എതിര്പ്പിനെയും മറികടന്ന് പാസാക്കിയ കാര്ഷിക ബില് ചരിത്രപരവും അനിവാര്യവുമാണെന്നായിരുന്നു പ്രധാനമന്ത്രി നരേന്ദ്ര മോദിയുടെ പ്രതികരണം. കാര്ഷിക ബില്ലൊരിക്കലും കര്ഷക താല്പര്യത്തിന് എതിരല്ലെന്നും പ്രതിപക്ഷം കര്ഷകരെ തെറ്റിദ്ധരിപ്പിക്കുകയാണെന്നും അദ്ദേഹം പറഞ്ഞിരുന്നു.
കേന്ദ്ര വനിത കമ്മീഷന് അധ്യക്ഷസ്ഥാനത്തേക്ക് ശോഭ സുരേന്ദ്രനെ പരിഗണിക്കുന്നതായി റിപ്പോര്ട്ട്
നാളെ കര്ഷക സംഘടനകളുടെ ഭാരത് ബന്ദും നടക്കും. പഞ്ചാബിലെ കര്ഷകര് ട്രെയിന് തടയല് സമരവും പ്രഖ്യാപിച്ചിട്ടുണ്ട്. ഡല്ഹിയിലെ കോണ്ഗ്രസ് പാര്ട്ടിയുടെ ആസ്ഥാനത്ത് നടന്ന ജനറല് സെക്രട്ടറിമാരുടെയും സംസ്ഥാനങ്ങളുടെ ചുമതലയുള്ളവരുടെയും യോഗത്തിലാണ് രാജ്യവ്യാപകമായി പ്രക്ഷോഭത്തിനുള്ള തീരുമാനം.
പ്രതികരിക്കാൻ ഇവിടെ എഴുതുക