സിഎം രവീന്ദ്രനെ രക്ഷപ്പെടുത്താന് ബിജെപിയും സിപിഐഎമ്മും തമ്മില് ധാരണയായെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രന് പറഞ്ഞു. സിഎം രവീന്ദ്രന് നിയമവാഴ്ചയെ വെല്ലുവിളിച്ചു കൊണ്ടാണ് അന്വേഷണ ഏജന്സികളിൽ നിന്നും ഒളിച്ചുകളി നടത്തുന്നതെന്നും മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി സമാനമായ രീതിയില് ചികിത്സ തേടിയെപ്പോള് ആശുപത്രിയില് നിന്നും കസ്റ്റഡിയിലെടുത്ത് അറസ്റ്റ് രേഖപ്പെടുത്തിയ കേന്ദ്ര അന്വേഷണ ഏജന്സികള് മുഖ്യമന്ത്രിയുടെ അടുപ്പക്കാരനായ രവീന്ദ്രന്റെ കാര്യത്തില് മടിച്ച് നില്ക്കുകയാണെന്നും ഇത് സിപിഐഎം-ബിജെപി പരസ്പ്പര ധാരണയുടെ അടിസ്ഥാനത്തുള്ള ബാഹ്യയിടപെടലിനെ തുടര്ന്നാണെന്നും മുല്ലപ്പള്ളി വ്യക്തമാക്കി.
തദ്ദേശ തെരഞ്ഞെടുപ്പ് രണ്ടാംഘട്ടത്തിൽ ഉച്ചവരെ 43.59 ശതമാനം പോളിംഗ്
സിപിഐഎം, ബിജെപി ദേശീയ നേതൃത്വവുമായി ഉണ്ടാക്കിയ നീക്കുപോക്കുകളുടെ അടിസ്ഥാനത്തിലാണ് കേന്ദ്ര അന്വേഷണ ഏജന്സികള് ഇപ്പോള് പ്രവര്ത്തിക്കുന്നതെന്നും താന് തുടക്കം മുതല് ഇരുവരും തമ്മിലുള്ള ഒത്തുകളി ചൂണ്ടിക്കാട്ടിയതാണെന്നും ഓരോ ദിവസത്തെയും കേന്ദ്ര അന്വേഷണ ഏജന്സികളുടെ നടപടിക്രമങ്ങള് പരിശോധിക്കുമ്പോള് തന്റെ ആരോപണം സത്യമായി മാറുകയാണെന്നും ലാവ്ലിന് കേസുപോലെ രാജ്യദ്രോഹ കേസുമായി ബന്ധപ്പെട്ട നടപടികള് നീട്ടിക്കൊണ്ടുപോകാനാണ് സിപിഐഎമ്മും ബിജെപിയും തമ്മില് ധാരണ ഉണ്ടാക്കിയിട്ടുള്ളതെന്നും മുല്ലപ്പള്ളി പറഞ്ഞു.
മുഖ്യമന്ത്രി ഉള്പ്പെടെയുള്ള സിപിഐഎം ഉന്നതരെ സംബന്ധിക്കുന്ന എല്ലാത്തരം രഹസ്യ ഇടപാടുകളെ കുറിച്ച് വ്യക്തമായ അറിവുള്ള വ്യക്തിയാണ് സിഎം രവീന്ദ്രനെന്നും കേന്ദ്ര ഏജന്സികള് രവീന്ദ്രനെ തെരഞ്ഞെടുപ്പ് സമയത്ത് അറസ്റ്റ് ചെയ്താലുണ്ടാകുന്ന രാഷ്ട്രീയ കോളിളക്കം തിരിച്ചറിഞ്ഞ സിപിഐഎം നേതൃത്വം സ്വന്തം അണികളെ വഞ്ചിച്ചാണ് ബിജെപിയുമായി ധാരണയുണ്ടാക്കിയതെന്നും മുഖ്യമന്ത്രി ഉള്പ്പെടെയുള്ള സിപിഐഎം നേതാക്കള് സ്വന്തം നിലനില്പ്പിന് വേണ്ടി കമ്യൂണിസ്റ്റ് ആശയങ്ങള് ബലികഴിക്കുകയാണെന്നും മുല്ലപ്പള്ളി ആരോപിച്ചു
പ്രതികരിക്കാൻ ഇവിടെ എഴുതുക