കൊറോണ വൈറസിന്റെ ജനിതക മാറ്റം സംഭവിച്ച പുതിയ സ്ട്രെയ്ൻ കണ്ടെത്തിയതായി ഇംഗ്ലണ്ടിലെ ചീഫ് മെഡിക്കൽ ഓഫിസർ ക്രിസ് വിറ്റി അറിയിച്ചു. ഈ മാസം മാത്രം ബ്രിട്ടനിൽ കൊവിഡ് കേസുകളിൽ ഉണ്ടായ വർദ്ധനവിന് കാരണം പുതിയ വൈറസ് സ്ട്രെയ്നാണെന്നാണ് കണ്ടെത്തൽ.
ഈ വൈറസിന് വേഗത്തിൽ പടർന്ന് പിടിക്കാൻ ശേഷിയുണ്ടെന്നും അദ്ദേഹം വ്യക്തമാക്കി. പുതിയ സാഹചര്യം കണക്കിലെടുത്ത് ലണ്ടനിലും തെക്ക് കിഴക്കൻ ഇംഗ്ലണ്ടിലും പ്രധാന മന്ത്രി ബോറിസ് ജോൺസൺ ലോക്ക്ഡൗൺ പ്രഖ്യാപിച്ചു.
ഇതേ തുടര്ന്ന് യുകെയില് നിന്നുള്ള വിമാനങ്ങള്ക്ക് നിരോധനമേര്പ്പെടുത്താനാണ് യൂറോപ്യന് രാജ്യങ്ങളുടെ തീരുമാനം. അയര്ലാന്റ്, ജര്മനി, ഫ്രാന്സ്, ഇറ്റലി, നെതര്ലാന്റ്സ്, ബെല്ജിയം എന്നീ രാജ്യങ്ങള് വിമാനങ്ങള്ക്ക് നിരോധനമേര്പ്പെടുത്തി.
പ്രതികരിക്കാൻ ഇവിടെ എഴുതുക