തിരുവനന്തപുരം: സംസ്ഥാനത്തെ ബാറുകളും കൺസ്യൂമർഫെഡ് ഔട്ട്ലെറ്റുകളും അടച്ചിട്ട സാഹചര്യം ചര്ച്ച ചെയ്യാന് എക്സൈസ് മന്ത്രി വിളിച്ച യോഗം ഇന്ന് വൈകിട്ട് ചേരും. യോഗം ചേരുന്നത് നികുതി സെക്രട്ടറിയുടെ സാന്നിദ്ധ്യത്തിലാണ് .
വെയർഹൗസ് മാർജിൻ ഉയർത്തിയ ബെവ്കോയുടെ നടപടിയിൽ പ്രതിഷേധിച്ചാണ് ബാറുകളും കണ്സ്യൂമര്ഫെഡ് ഔട്ട്ലെറ്റുകളും തിങ്കഴാഴ്ച മുതല് അടച്ചിട്ടത്.ലാഭ വിഹിതം നാമമാത്രമായതിനാൽ മദ്യം പാഴ്സൽ വിൽപന പ്രായോഗികമല്ലെന്നാണ് ബാറുടമകളുടെ നിലപാട്.
മന്ത്രിതല ചര്ച്ചയില് അനുകൂല നിലപാടുണ്ടായാൽ മാത്രമേ മദ്യവിൽപന പുനരാംരംഭിക്കുകയുള്ളുവെന്ന് ബാറുടമകളുടെ സംഘടന അറിയിച്ചു. കൊവിഡ് കാലത്ത് വ്യവസായികളെ സഹായിക്കുന്നതിന് പകരം വില വര്ധിപ്പിച്ച് കൂടുതൽ പ്രതിസന്ധി സൃഷ്ടിക്കുകയാണെന്നാണ് ഉടമകളുടെ പക്ഷം.
പ്രതികരിക്കാൻ ഇവിടെ എഴുതുക