കര്ണാടക മുഖ്യമന്ത്രി ബി.എസ് യെദ്യൂരപ്പ രാജി പ്രഖ്യാപിച്ചു. ദിവസങ്ങള് നീണ്ട അഭ്യൂഹങ്ങള്ക്ക് ഒടുവിലാണ് രാജി. അധികാരത്തിലെത്തി രണ്ടു വര്ഷം പൂര്ത്തിയാകുന്ന വേളയിലാണ് യെദ്യൂരപ്പയുടെ രാജി. വൈകുന്നേരം നാല് മണിക്ക് ഗവര്ണറെ കണ്ട് രാജിക്കത്ത് നല്കുമെന്നും അദ്ദേഹം അറിയിച്ചു.
രാജി പ്രഖ്യാപന പ്രസംഗത്തിനിടെ യെദ്യൂരപ്പ വികാരാധീനനാകുയും വിതുമ്പി കരയുകയും ചെയ്തു. കഴിഞ്ഞയാഴ്ചയാണ് തന്റെ രാജികാര്യത്തെ കുറിച്ച് യെദ്യൂരപ്പ തന്നെ ആദ്യം സൂചന നല്കിയത്.
അധികാരത്തിലേറി രണ്ടുവര്ഷം പൂര്ത്തിയാക്കുന്ന വേളയില് ബി.ജെ.പി ദേശീയ അധ്യക്ഷന് ജെ.പി നദ്ദ പറയുന്നത് എന്താണെങ്കിലും താന് അനുസരിക്കുമെന്ന് നേരത്തെ യെദ്യൂരപ്പ വ്യക്തമാക്കിയിരുന്നു. പ്രധാനമന്ത്രി നരേന്ദ്ര മോദിയും മറ്റ് കേന്ദ്ര മന്ത്രിമാരുമായി നടന്ന ചര്ച്ചയില് രാജിവെക്കുന്നതിന് പകരമായി അദ്ദേഹം ചില ഉപാധികള് മുന്നോട്ടുവച്ചതായി സൂചനയുണ്ടായിരുന്നു.
പ്രതികരിക്കാൻ ഇവിടെ എഴുതുക