പാലാ സെന്റ് തോമസ് കോളേജില് സഹപാഠിയെ കൊലപ്പെടുത്തിയ സംഭവത്തില് പ്രതികരണവുമായി ഹരീഷ് പേരടി. പെണ്ണ് എന്ന ജീവി ഒരു സ്വകാര്യ സ്വത്താണെന്നാണ് 90% മുരാച്ചി പുരുഷന്മാരുടെയും ധാരണ. അത് തിരുത്താന് പെണ്മക്കളെ ചെറുപ്പത്തിലെ കായികാഭ്യാസങ്ങളും പ്രതിരോധ മാര്ഗങ്ങളും അഭ്യസിപ്പിക്കണം എന്ന് താരം പറയുന്നു.
ഹരീഷ് പേരടിയുടെ കുറിപ്പ്:
നിങ്ങള്ക്ക് പെണ്കുട്ടികളാണെങ്കില് നിര്ബന്ധമായും അവളെ ചെറുപ്പത്തിലെ കായികാഭ്യാസങ്ങള് പഠിപ്പിക്കുക… കരാട്ടെ, കളരി അങ്ങിനെയുള്ള സ്വയം പ്രതിരോധമാര്ഗ്ഗങ്ങള്.. പെണ്ണ് എന്ന ജീവി ഒരു സ്വകാര്യ സ്വത്താണെന്നാണ് 90% മുരാച്ചി പുരുഷന്മാരുടെയും ധാരണ…
അതുകൊണ്ടുതന്നെ ഇവറ്റകളുമായുള്ള പ്രണയവും കല്യാണവും ഒക്കെ സ്ത്രീകളെ സംബന്ധിച്ചിടത്തോളം ഏത് നിമിഷവും ആക്രമിക്കപ്പെടാന് സാധ്യതയുള്ള ഇടങ്ങളാണ് …ഇത്തരം വൈകാരിക ജന്മികളെ കീഴ്പ്പെടുത്താന് പുതിയ കാലത്തിന്റെ പ്രതിരോധ മാര്ഗ്ഗങ്ങള് സ്വീകരിക്കുക…പുതിയ ജീവിതം കെട്ടിപടുക്കുക…ആശംസകള്…
പോസ്റ്റിന് താഴെ എത്തിയ കമന്റുകള്ക്കും ഹരീഷ് പേരടി മറുപടി നല്കുന്നുണ്ട്. ”90% മൂരാച്ചി ആയിട്ടുള്ള ആണുങ്ങളെയും എന്തേലും പഠിപ്പിക്കണ്ടേ ചേട്ടാ… അത്യാവശ്യം സ്ത്രീ എന്താണ് എന്നെങ്കിലും” എന്ന കമന്റിന് ”രണ്ടെണ്ണം തിരിച്ച് കിട്ടുമ്പോള് തന്നത്താന് പഠിച്ചോളും…” എന്നാണ് പേരടിയുടെ മറുപടി.
”തിരിച്ചു കൊടുക്കാതെ ഇരിക്കുന്ന കാലത്തോളം സ്ത്രീകള് ഇതൊക്കെ അനുഭവിക്കണം അല്ലേ” എന്ന കമന്റിന് ”നിന്റെ വിഷമം എനിക്ക് മനസ്സിലാവുന്നുണ്ട്…” എന്നും താരം കുറിച്ചു.
പ്രതികരിക്കാൻ ഇവിടെ എഴുതുക