തിരുവനന്തപുരം: അത്താഴത്തിനൊപ്പം വലിയ മീന് കഷണം മകനുനല്കിയതില് കലികയറി ഭാര്യയെയും മകനെയും ഭാര്യയുടെ അമ്മയെയും ക്രൂരമായി മര്ദിച്ച യുവാവിനെ പൊലീസ് അറസ്റ്റ് ചെയ്തു. വിഴിഞ്ഞം കോട്ടുകാല് പുന്നക്കുളം വട്ടവിള കുരിശടി വിളയില് ബിജുവിനെ(41) ആണ് വിഴിഞ്ഞം പൊലീസ് അറസ്റ്റുചെയ്തത്.
കഴിഞ്ഞ വെള്ളിയാഴ്ച രാത്രിയിലായിരുന്നു സംഭവം. അത്താഴം വിളമ്പിയപ്പോള് മീനിന്റെ വലിയ കഷണം മകന് നല്കിയെന്നും തനിക്ക് തന്നത് ചെറുതാണെന്നും പറഞ്ഞ് ബിജു ഭക്ഷണം വലിച്ചെറിഞ്ഞശേഷം ഭാര്യയെയും മകനെയും മര്ദിക്കാന് തുടങ്ങി.
ഇത് കണ്ട് തടയാനെത്തിയ ഭാര്യയുടെ അമ്മയെയും ക്രൂരമായി മര്ദ്ദിച്ചു. തുടര്ന്ന് മൂവരും ചേര്ന്ന് പൊലീസില് പരാതിനല്കുകയായിരുന്നു. പരാതിയെക്കുറിച്ച് അന്വേഷിച്ച വിഴിഞ്ഞം എസ് ഐ സമ്പത്തിന്റെ നേതൃത്വത്തിലുള്ള പൊലീസ് സംഘമാണ് ബിജുവിനെ അറസ്റ്റുചെയ്ത്.
പ്രതികരിക്കാൻ ഇവിടെ എഴുതുക