മലയോര മേഖലയിലും നദിക്കരകളിലും താമസിക്കുന്നവര് അതീവ ജാഗ്രത പുലര്ത്തണമെന്ന് മുഖ്യമന്ത്രി പിണറായി വിജയന് പറഞ്ഞു. ബുധനാഴ്ച മുതല് 23 ശനിയാഴ്ച വരെ സംസ്ഥാനത്ത് വ്യാപകമായി അതിശക്തമായ മഴക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് ഇതിനോടകം തന്നെ അറിയിച്ചിട്ടുണ്ട്.
അപകട സാധ്യതയുള്ള വീടുകളില് അധിവസിക്കുന്നവര് എമര്ജന്സി കിറ്റ് തയ്യാറാക്കി വെക്കണം. കാലാവസ്ഥ മുന്നറിയിപ്പില് മാറ്റങ്ങള് വരാവുന്നതും ചിലപ്പോള് തെറ്റുകള് സംഭവിക്കാവുന്നതുമാണ്. അതുകൊണ്ട് ദുരന്ത നിവാരണ അതോറിറ്റി പ്രഖ്യാപിക്കുന്ന അതീവ ജാഗ്രത നിര്ദേശം പിന്വലിക്കുന്നത് വരെ സുരക്ഷാ മാര്ഗ നിര്ദേശങ്ങള് കര്ശനമായി പാലിക്കേണ്ടതാണ്.
മണ്ണിടിച്ചിലിനും ഉരുള്പൊട്ടലിനും നദികള് കരകവിഞ്ഞൊഴുന്നതിനാൽ കുത്തിയൊലിച്ചു പെയ്യുന്ന അതിശക്തമായ മഴ തുടര്ച്ചയായി അപകടം വിതക്കാനുള്ള സാഹചര്യമുണ്ട്. ചുരുക്കം മണിക്കൂറുകള് കൊണ്ട് തന്നെ വലിയ അപകടങ്ങള്ക്ക് സാധ്യതയേറെയാണ്. അതുകൊണ്ട് നിലവിലെ സാഹചര്യം സാധാരാണ ഗതിയിലേക്ക് എത്തുന്നത് വരെ മലയോര മേഖലയിലും നദിക്കരകളിലും അതീവ ജാഗ്രത പുലര്ത്താന് ദുരന്ത നിവാരണ അതോറിറ്റി കര്ശന നിര്ദേശം പുറപ്പെടുച്ചിട്ടുണ്ട്.
പ്രതികരിക്കാൻ ഇവിടെ എഴുതുക