കൊച്ചി: നീണ്ട 7 വര്ഷങ്ങള്ക്ക് ശേഷം മലയാള സിനിമയിലേക്ക് തിരിച്ചുവരാൻ ഒരുങ്ങുകയാണ് മുൻകാല ആക്ഷൻ നായിക വാണി വിശ്വനാഥ്. ‘ദി ക്രിമിനല് ലോയര്’ എന്ന ചിത്രത്തിലൂടെ ബാബുരാജിന്റെ ഭാര്യയായാണ് വാണി എത്തുന്നത്.കല വിപ്ലവം പ്രണയം എന്ന ചിത്രത്തിന് ശേഷം ജിതിന് ജിത്തുവാണ് ചിത്രം സംവിധാനം ചെയ്യുന്ന സിനിമയാണ് ദി ക്രിമിനൽ ലോയർ. ഉമേഷ് എസ് മോഹനാണ് തിരക്കഥയൊരുക്കുന്നത്. ജഗദീഷ്, സുധീര് കരമന, അബൂസലീം, ഷമ്മി തിലകന്, സുരേഷ് കൃഷ്ണ, ജോജി, റിയസൈറ, സിന്ധു മനുവര്മ തുടങ്ങിയവരും ചിത്രത്തില് ശ്രദ്ധേയമായ കഥാപാത്രങ്ങളെ അവതരിപ്പിക്കുന്നുണ്ട് .
ക്രൈം-ത്രിലെര് സിനിമകളുടെ ആരാധികയാണ് ഞാന്. ഇങ്ങനെയൊരു ത്രെഡ് പറഞ്ഞപ്പോള് ഒരുപാട് ഇഷ്ടപ്പെട്ടു. എന്റെ കഥാപാത്രം പോലെ ബാബുവേട്ടന്റെയും നല്ലൊരു കഥാപാത്രമാണ്. സാള്ട് ആന്ഡ് പെപര്, ജോജി എന്നീ സിനിമകളിലെ വേഷങ്ങള്പോലെ നിങ്ങള് ഇഷ്ടപ്പെടുന്നൊരു വേഷമാകും ഈ ചിത്രത്തിലേത്.മാന്നാര് മത്തായി സിനിമയ്ക്കു ശേഷം എനിക്ക് നിങ്ങള് തന്നെ പ്രോത്സാഹനവും പിന്തുണയും ചെറുതല്ല. അത് എന്നും ഉണ്ടാകണം. റിയലിസ്റ്റിക് സിനിമകള് മാത്രം കാണുന്ന മലയാളി പ്രേക്ഷകര്ക്കിടയില് റിയലിസ്റ്റിക് അല്ലാത്ത ചില കഥാപാത്രങ്ങള് ചെയ്ത് കയ്യടി വാങ്ങിച്ച ആളാണ് ഞാന്. ആ എന്നെ ഇനിയും പിന്തുണയ്ക്കണം, വാണി പറഞ്ഞു.തേര്ഡ് ഐ മീഡിയ മേകേഴ്സിന്റെ ബാനറിൽ ഒരുക്കുന്ന ഈ ചിത്രം തിരുവനന്തപുരത്തും പരിസരപ്രദേശങ്ങളിലുമായി നവംബർ മാസത്തിൽ ഷൂട്ടിങ് ആരംഭിക്കും.
പ്രതികരിക്കാൻ ഇവിടെ എഴുതുക