കൊച്ചി: ചേരാനെല്ലൂരിലെ പൊലീസ് സ്റ്റേഷനിൽ നിന്ന് രണ്ട് പ്രതികൾ ചാടിപ്പോയി.
അരുൺ സെബാസ്റ്റ്യൻ, ആൻറണി ഡി കോസ്റ്റ എന്നിവരാണ് രക്ഷപ്പെട്ടത്. ഇരുവരും മയക്കുമരുന്ന്, പിടിച്ചുപറി കേസുകളിലെ പ്രതികളാണ്. ഇരുവരും രക്ഷപ്പെട്ടത് തുടർനടപടികൾക്കായി സ്റ്റേഷനിൽ കസ്റ്റഡിയിലിരിക്കവേയാണ്.
മയക്കുമരുന്ന്, പിടിച്ചുപറി അടക്കം 7ലേറെ കേസുകളാണ് ഇരുവർക്കുമെതിരെയുള്ളത്.
പ്രതികൾ തമ്മിൽ പരസ്പരം കലഹിക്കുന്നത് ഒഴിവാക്കുന്നതിനായി അരുൺ സെബാസ്റ്റ്യനെ സെല്ലിനുള്ളിലും ആൻസൻ ഡി കോസ്റ്റയെ സെല്ലിന് പുറത്തുമാണ് ഇരുത്തിയിരുന്നത്. രാത്രി 11 മണിയോടെ ഇരുവരും സ്റ്റേഷനിൽനിന്നും രക്ഷപ്പെടുകയായിരുന്നു. പ്രതികൾക്കായി പൊലീസ് വ്യാപക തിരച്ചിൽ തുടങ്ങി .
പ്രതികരിക്കാൻ ഇവിടെ എഴുതുക