ആഷിക് അബു സംവിധാനം ചെയ്ത നീലവെളിച്ചം ഒടിടിയില് എത്തി. പ്രമുഖ പ്ലാറ്റ്ഫോം ആയ ആമസോണ് പ്രൈം വീഡിയോയിലൂടെയാണ് ചിത്രം സ്ട്രീമിംഗ് ആരംഭിച്ചിരിക്കുന്നത്. ടൊവിനോ തോമസ്, റിമ കല്ലിങ്കല് എന്നിവരാണ് കേന്ദ്ര കഥാപാത്രങ്ങൾ. വൈക്കം മുഹമ്മദ് ബഷീര് തിരക്കഥയൊരുക്കി എ വിന്സെന്റ് സംവിധാനം ചെയ്ത് 1964 ല് പുറത്തെത്തിയ ഭാര്ഗ്ഗവീനിലയത്തിന്റെ റീമേക്ക് ആണ് നീലവെളിച്ചം. ഏപ്രില് 20 ന് ആയിരുന്നു ചിത്രത്തിന്റെ തിയറ്റര് റിലീസ്.
ഭാര്ഗവീനിലയം റിലീസ് ചെയ്ത് 59 വര്ഷങ്ങള്ക്ക് ശേഷമാണ് വീണ്ടും നീലവെളിച്ചത്തിന് പുനരാവിഷ്ക്കാരം തയ്യാറായത്. റോഷന് മാത്യു, ഷൈന് ടോം ചാക്കോ എന്നിവരാണ് മറ്റ് പ്രധാനകഥാപാത്രങ്ങളെ അവതരിപ്പിച്ചത്. ഒപിഎം സിനിമാസിന്റെ ബാനറില് ആഷിഖ് അബു, റിമ കല്ലിങ്കല് എന്നിവരാണ് നീലവെളിച്ചം നിര്മ്മിച്ചത്. ഋഷികേശ് ഭാസ്ക്കരനാണ് ചിത്രത്തിന്റെ അധിക തിരക്കഥ എഴുതിയിരിക്കുന്നത്. സജിൻ അലി പുലാക്കൽ, അബ്ബാസ് പുതുപ്പറമ്പില് എന്നിവരാണ് സഹനിര്മാതാക്കള്.
ചെമ്പന് വിനോദ് ജോസ്, ജെയിംസ് ഏലിയാസ്, ജയരാജ് കോഴിക്കോട്, ഉമ കെ പി, അഭിറാം രാധാകൃഷ്ണന്, രഞ്ജി കങ്കോല്, ജിതിന് പുത്തഞ്ചേരി, നിസ്തര് സേട്ട്, പ്രമോദ് വെളിയനാട്, ആമി തസ്നിം, പൂജ മോഹന് രാജ്, ദേവകി ഭാഗി, ഇന്ത്യന് എന്നിവരാണ് മറ്റ് കഥാപാത്രങ്ങളെ അവതരിപ്പിച്ചിരിക്കുന്നത്. ഗിരീഷ് ഗംഗാധരന് ഛായാഗ്രഹണം നിര്വ്വഹിച്ചിരിക്കുന്ന നീലവെളിച്ചത്തിന്റെ എഡിറ്റിംഗ് വി സാജനാണ്. പ്രൊഡക്ഷന് കണ്ട്രോളര് ബെന്നി കട്ടപ്പന, കല ജ്യോതിഷ് ശങ്കര്. മേക്കപ്പ് റോണക്സ് സേവ്യര്, വസ്ത്രാലങ്കാരം സമീറ സനീഷ്, ശബ്ദ മിശ്രണം വിഷ്ണു ഗോവിന്ദ്, സൗണ്ട് ഡിസൈന് വിഷ്ണു ഗോവിന്ദ്, നിക്സണ് ജോര്ജ്. സ്ട്രിംഗ്സ് ഫ്രാന്സിസ് സേവ്യര്, ഹെറാള്ഡ്, ജോസുകുട്ടി, കരോള് ജോര്ജ്, ഫ്രാന്സിസ്. സഹസംവിധാനം ഹരീഷ് തെക്കേപ്പാട്ട്, ബിബിന് രവീന്ദ്രന്, സംഘട്ടനം സുപ്രീം സുന്ദര്, നൃത്ത സംവിധാനം ഡോ. ശ്രീജിത്ത് ഡാന്സിറ്റി, പിആര്ഒ എ എസ് ദിനേശ്, ആതിര ദില്ജിത്ത്. പരസ്യകല യെല്ലോ ടൂത്ത്.
പ്രതികരിക്കാൻ ഇവിടെ എഴുതുക