ന്യൂഡല്ഹി: ഒഡിഷ ട്രെയിന് ദുരന്തത്തിൽ മാതാപിതാക്കളെ നഷ്ടമായ കുട്ടികള്ക്ക് സൗജന്യ സ്കൂള് വിദ്യാഭ്യാസം നല്കുമെന്ന് ഗൗതം അദാനി. ദുരന്തത്തില് ജീവന് നഷ്ടമായവരുടെ കുടുംബത്തെ സഹായിക്കേണ്ടത് കൂട്ടായ ഉത്തരവാദിത്വമാണെന്നും അദാനി ട്വിറ്ററില് കുറിച്ചു.
ഒഡീഷയിലുണ്ടായ തീവണ്ടി അപകടം കടുത്ത അസ്വസ്ഥതയുണ്ടാക്കുന്നതാണ്. അപകടത്തില് മാതാപിതാക്കളെ നഷ്ടപ്പെട്ട കുട്ടികളുടെ സ്കൂള് വിദ്യാഭ്യാസം അദാനി ഗ്രൂപ്പ് ഏറ്റെടുക്കും. ദുരന്തത്തില്പ്പെട്ടവരേയും അവരുടെ കുടുംബങ്ങളെയും ചേര്ത്തു നിര്ത്തേണ്ടതും അവരുടെ കുട്ടികള്ക്ക് നല്ലൊരു ഭാവി നല്കേണ്ടതും എല്ലാവരുടെയും കൂട്ടായ ഉത്തരവാദിത്വമാണ്, അദാനി ട്വീറ്റ് ചെയ്തു.
പ്രതികരിക്കാൻ ഇവിടെ എഴുതുക