നട്സ്കൾ ആരോഗ്യത്തിന് ഏറെ ഗുണകരമാണ്. നല്ല കൊഴുപ്പുകളുടെ ഉറവിടമായ ഇവ പൊതുവേ പല രോഗങ്ങള്ക്കും ഹൃദയാരോഗ്യത്തിനുമെല്ലാം ഏറെ ഗുണകരമാണ്. ഇതിൽ വാള്നട്സിന്റെ ആരോഗ്യപരമായ ഗുണങ്ങളെക്കുറിച്ച് ഏറെ അറിവുകള് നേടിയതിനാല് തന്നെ വളരെ ആരോഗ്യകരമായ നട്സ് എന്ന ഗണത്തില് ഇതും ഉള്പ്പെടുത്തുന്നു.
പ്രോട്ടീൻ, ഒമേഗ 3 ഫാറ്റി ആസിഡ്, നാരുകൾ, ഫാറ്റ്സ്, മറ്റ് അവശ്യ പോഷകങ്ങൾ എന്നിവയാൽ സമ്പന്നമാണ് വാൾനട്സ്. ദിവസവും രാവിലെ വെറുംവയറ്റില് കുതിര്ത്ത വാള്നട്സ് കഴിക്കുന്നത് ആരോഗ്യത്തിന് നല്ലതാണെന്നാണ് ന്യൂട്രീഷ്യന്മാര് പറയുന്നത്. ധാരാളം ആരോഗ്യ ഗുണങ്ങളുളള ഒന്നാണ് വാൾനട്സ്. തലച്ചോറിന്റെ വളർച്ചയ്ക്കും ഓർമ്മ ശക്തി കൂട്ടാനുമെല്ലാം വാൾനട്സ് മികച്ചതാണ്. വാൾനട്സ് ദിവസം കഴിയ്ക്കേണ്ടതിന്റെ കാര്യം എന്തെന്നറിയൂ..
വാൾനട്സില് അടങ്ങിയിരിക്കുന്ന ഒമേഗ 3 ഫാറ്റി ആസിഡ് ഹൃദയത്തിന്റെ ആരോഗ്യത്തെ സംരക്ഷിക്കാന് സഹായിക്കും. ആരോഗ്യകരമായ കൊഴുപ്പുകളുടെ ഉറവിടമാണ് വാൾനട്സ്. കൂടാതെ ഇവ ചീത്ത കൊളസ്ട്രോളിനെ കുറയ്ക്കാനും സഹായിക്കും. ഉയര്ന്ന രക്തസമ്മര്ദ്ദമുളളവര് രാവിലെ വെറുംവയറ്റില് കുതിര്ത്ത വാള്നട്സ് കഴിക്കുന്നത് നല്ലതാണെന്നും പഠനങ്ങള് പറയുന്നു. കാത്സ്യം, പൊട്ടാസ്യം, അയേണ്, സിങ്ക് തുടങ്ങിയവയും ഇവയില് അടങ്ങിയിട്ടുണ്ട്. കുതിര്ത്ത വാള്നട്സ് കഴിക്കുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കാന് സഹായിക്കും.
ഫൈബര് ധാരാളം അടങ്ങിയ വാള്നട്സ് വണ്ണം കുറയ്ക്കാനും സഹായിക്കും. ഇവ വയര് പെട്ടെന്ന് നിറഞ്ഞതായി തോന്നിക്കും. അതുവഴി ശരീരഭാരം നിയന്ത്രിക്കാം. വിറ്റാമിനുകള് ധാരാളം അടങ്ങിയ വാള്നട്ടുകള് ചര്മ്മത്തിനും തലമുടിക്കും നല്ലതാണ്. കുതിര്ത്ത വാള്നട്സ് കഴിക്കുന്നത് നല്ല ഉറക്കം ലഭിക്കാനും സഹായിക്കും.
സ്ത്രീ പുരുഷ ലൈംഗികാരോഗ്യത്തിന് വാള്നട്സ് ഏറെ നല്ലതാണ്. ഇത് സ്ത്രീകളിലെ ഈസ്ട്രജന് ഹോര്മോണ് ഉല്പാദനത്തിന് സഹായിക്കുന്നു. ഇത് മാറിട വലിപ്പത്തിനും സ്ത്രീയിലെ വജൈനല് സ്രവ ഉല്പാദത്തിനുമെല്ലാം സഹായിക്കുന്നു. പുരുഷന്മാരില് ബീജ ഗുണവും ചലന ശേഷിയുമെല്ലാം തന്നെ വര്ദ്ധിപ്പിയ്ക്കാന് ഇതു സഹായിക്കും.
പ്രതികരിക്കാൻ ഇവിടെ എഴുതുക