കോട്ടയം: ആരും കള്ളവോട്ട് ചെയ്യാനായി പുതുപ്പള്ളിയിലേക്ക് വരേണ്ടെന്ന് പ്രതിപക്ഷ നേതാവ് വി.ഡി. സതീശന്. മരിച്ചു പോയവരുടെയും തിരഞ്ഞെടുപ്പിന് എത്താന് സാധിക്കാത്തവരുടേയും ലിസ്റ്റ് ഞങ്ങളുടെ കൈവശമുണ്ടെന്നും സെപ്റ്റംബര് അഞ്ചിന് പോളിങ് ആരംഭിക്കുന്നതിന് മുമ്പ് 182 ബൂത്തിലും പോളിങ് ഏജന്റുമാര് പ്രിസൈഡിങ് ഓഫീസറെ ഏല്പ്പിക്കുമെന്നും സതീശൻ പറഞ്ഞു.
അതുകൊണ്ട് കള്ളവോട്ട് ചെയ്യാന് പുതുപ്പള്ളിയിലേക്ക് ഒരാളും വരണ്ട. മരിച്ചു പോയ ആരും എഴുന്നേറ്റു വരണ്ട. ഏതെങ്കിലും ഒരാള് കള്ളവോട്ട് ചെയ്താല് തൃക്കാക്കരയില് വന്നവന്റെ അനുഭവമുണ്ടാകും. പ്രിസൈഡിങ് ഓഫീസര്ക്കും അതിന്റെ ഉത്തരവാദിത്വമുണ്ടെന്ന് സതീശൻ പറഞ്ഞു.
ഈ തിരഞ്ഞെടുപ്പില് രാഷ്ട്രീയ പരിഗണനകള്ക്കപ്പുറമായി ജാതി-മത ചിന്തകള്ക്കതീതമായി യു.ഡി.എഫ്. സ്ഥാനാര്ഥി ചാണ്ടി ഉമ്മന് അനുകൂലമായ വലിയൊരു പ്രതികരണം ജനങ്ങളിൽ നിന്ന് ഉണ്ടാകുമെന്ന പൂര്ണമായ വിശ്വാസം ഞങ്ങള്ക്കുണ്ടെന്നും പ്രതിപക്ഷ നേതാവ് പറഞ്ഞു.
പ്രതികരിക്കാൻ ഇവിടെ എഴുതുക