സംവിധായകൻ കെ ജി ജോര്ജിന്റെ വിയോഗത്തെക്കുറിച്ചുള്ള ചോദ്യത്തോട് ‘ആളുമാറി’ പ്രതികരിച്ചതിൽ വിശദീകരണവുമായി കെപിസിസി അധ്യക്ഷന് കെ സുധാകരന്. കെ ജി ജോര്ജ് ആണ് വിട പറഞ്ഞതെന്ന് ചോദ്യത്തില് നിന്ന് മനസിലായിരുന്നില്ല.
സമാനപേരിലുളള പഴയകാല സഹപ്രവര്ത്തകനാണ് മനസില് വന്നത്. സംഭവത്തില് കെജി ജോര്ജിനെ സ്നേഹിക്കുന്നവര്ക്കുണ്ടായ മനോവിഷമത്തില് നിരുപാധികം ഖേദം പ്രകടിപ്പിക്കുന്നെന്നും കെ സുധാകരന് പറഞ്ഞു.
മലയാളത്തിന്റെ അഭിമാനമായ സിനിമാപ്രവര്ത്തകന് കെ ജി ജോര്ജ് ആണ് നമ്മളോട് വിട പറഞ്ഞതെന്ന് ചോദ്യത്തില് നിന്ന് മനസ്സിലായിരുന്നില്ലെന്നും സമാനപേരിലുളള പഴയകാല സഹപ്രവര്ത്തകനാണ് മനസ്സില് വന്നതെന്നും സുധാകരൻ പറഞ്ഞു.
ആരാണ് മരണപ്പെട്ടതെന്ന് മാധ്യമപ്രവര്ത്തകര് കൃത്യമായി പറഞ്ഞില്ല. അവരോട് അത് ചോദിച്ചറിയാതിരുന്നത് എന്റെ ഭാഗത്തുനിന്നു വന്ന വീഴ്ചയായി അംഗീകരിക്കുന്നതായും സുധാകരൻ വ്യക്തമാക്കി.
പ്രതികരിക്കാൻ ഇവിടെ എഴുതുക