കളമശ്ശേരിയിലെ കണ്വെന്ഷന് സെന്ററില് ബോംബ് വെച്ചത് താനാണെന്ന് പറഞ്ഞ് ഒരാള് പൊലീസ് സ്റ്റേഷനില് കീഴടങ്ങിയതായി റിപ്പോര്ട്ട്. കൊച്ചി സ്വദേശിയെന്ന് സ്വയം പരിചയപ്പെടുത്തിയാള് ഉച്ചക്ക് ഒന്നരയോടെ തൃശൂര് കൊടകര സ്റ്റേഷനിലാണ് കീഴടങ്ങിയത്. ഇയാളെ പൊലീസ് ചോദ്യം ചെയ്തു വരികയാണ്.
അതേസമയം കളമശേരിയില് നടന്നത് ബോംബ് സ്ഫോടനമെന്ന് പൊലീസ്. ഐഇഡി ഉപയോഗിച്ച സ്ഫാടനമാണ് നടന്നതെന്നും അവിടെ നിന്ന് ഐഇഡിയുടെ അവശിഷ്ടങ്ങള് കണ്ടെത്തിയതായും ഡിജിപി ഷേഖ് ദര്വേഷ് സാഹിബ് പറഞ്ഞു. മറ്റ് ഏതെങ്കിലും ആളുകള്ക്ക് പങ്കുണ്ടോയെന്നതും ആസൂത്രിതമായ സ്ഫോടനമാണോ എന്നതും അന്വേഷിക്കുകയാണെന്നും ഡിജിപി പറഞ്ഞു.
‘മുതിര്ന്ന ഉദ്യോഗസ്ഥരുടെ നേതൃത്വത്തില് അന്വേഷണം ആരംഭിച്ചു. കാരണക്കാരെ നിയമത്തിനു മുന്നില് കൊണ്ടുവരും. ഇവര്ക്കെതിരെ കടുത്ത നടപടി സ്വീകരിക്കും. അന്വേഷണത്തിനു പ്രത്യേക അന്വേഷണ സംഘത്തെ രൂപീകരിക്കുമെന്നും കളമശേരിയിലേക്ക് തിരിച്ചതായും അദ്ദേഹം മാധ്യമ പ്രവർത്തകരോട് പറഞ്ഞു
പ്രതികരിക്കാൻ ഇവിടെ എഴുതുക