കുട്ടനാട്ടിലെ കർഷകന്റെ ആത്മഹത്യ ഒറ്റപ്പെട്ട സംഭവമല്ലെന്നും സംഭവം ഏറെ ഗൗരവത്തോടെ കാണുന്നുവെന്നും ഗവർണർ ആരിഫ് മുഹമ്മദ് ഖാൻ പറഞ്ഞു. തിരുവല്ലയിലെ മെഡിക്കൽ മിഷൻ ആശുപത്രിയിൽ എത്തിയ അദ്ദേഹം ആത്മഹത്യ ചെയ്ത കർഷകൻ കെജി പ്രസാദിന് അന്തിമോപചാരം അർപ്പിക്കുകയും ചെയ്തു.
സംസ്ഥാനത്ത് കർഷകരും പെൻഷൻ വാങ്ങുന്നവരും കടുത്ത പ്രതിസന്ധിയാണ് നേരിടുന്നത് എന്ന് കുറ്റപ്പെടുത്തിയ ഗവർണർ സാമ്പത്തിക ഞെരുക്കം ആണെങ്കിലും ആഘോഷത്തിന് ഒരു കുറവും ഇല്ലെന്ന് ആരോപിച്ച് സർക്കാരിനെതിരെ രൂക്ഷ വിമർശനവും ഉന്നയിച്ചു.
കർഷക ആത്മഹത്യയിൽ സർക്കാരിനെതിരെ രൂക്ഷവിമർശനമുന്നയിച്ച് ബിജെപിയുടെ സംസ്ഥാന അധ്യക്ഷൻ കെ സുരേന്ദ്രനും രംഗത്തെത്തിയിരുന്നു. കണ്ണിൽ ചോരയില്ലാത്ത സർക്കാരാണ് സംസ്ഥാനം ഭരിക്കുന്നത് എന്ന് ആരോപിച്ച സുരേന്ദ്രൻ കേന്ദ്രം നൽകുന്ന തുക സർക്കാർ വക മാറ്റി ചെലവഴിക്കുന്നുവെന്നും ആരോപണം ഉന്നയിച്ചു.
പ്രതികരിക്കാൻ ഇവിടെ എഴുതുക