മുഖത്തെ ചുളിവുകള് പലരെയും അലട്ടുന്ന ഒരു പ്രശ്നമാണ്. ചര്മ്മത്തിലെ ചുളിവുകള് അകറ്റാന് വീട്ടില് പരീക്ഷിക്കാവുന്ന ചില ഫേസ് പാക്കുകളെ പരിചയപ്പെടാം
മുഖത്തെ ചുളിവുകള് അകറ്റാന് സഹായിക്കുന്ന ഒന്നാണ് കോഫി. കോഫിയിലിടങ്ങിയിരിക്കുന്ന ആന്റി ഓക്സിഡന്റുകൾ ചർമ്മത്തിന്റെ തിളക്കം നിലനിർത്താനും സഹായിക്കും. ഇതിനായി കോഫി വെളിച്ചെണ്ണയിലോ ഒലീവ് ഓയിലിലോ ചേര്ത്ത് മിശ്രിതമാക്കാം. ശേഷം ഈ മിശ്രിതം മുഖത്ത് പുരട്ടാം. 20 മിനിറ്റിന് ശേഷം കഴുകി കളയാം.
മുഖത്തെ ചുളിവുകളും മറ്റ് പാടുകളും അകറ്റാന് സഹായിക്കുന്ന ഒന്നാണ് ഉരുളക്കിഴങ്ങ്. ഉരുളക്കിഴങ്ങ് തൊലി കളഞ്ഞു ഉടച്ചു മുഖത്തും കഴുത്തിലും പുരട്ടാം. 20 മിനിറ്റിന് ശേഷം കഴുകി കളയാം.
ഒരു മുട്ടയുടെ വെള്ള, ഒരു ടീസ്പൂണ് തൈര്, ഒരു ടീസ്പൂണ് തേന്, ഒരു ടീസ്പൂണ് വെള്ളരിക്ക നീര് എന്നിവ എടുത്ത് നന്നായി മിശ്രിതമാക്കാം. ഇനി ഈ മിശ്രിതം മുഖത്തും കഴുത്തിലും പുരട്ടി 15 മിനിറ്റിന് ശേഷം കഴുകി കളയാം.
പകുതി പഴം, ഒരു ടീസ്പൂണ് തേന്, ഒരു ടീസ്പൂണ് പാല് എന്നിവ ചേര്ത്ത് മിശ്രിതമാക്കുക. ശേഷം ഈ മിശ്രിതം മുഖത്ത് പുരട്ടി മസാജ് ചെയ്യാം. 20 മിനിറ്റിന് ശേഷം ഇളംചൂടുവെള്ളം കൊണ്ട് കഴുകാം.
പ്രതികരിക്കാൻ ഇവിടെ എഴുതുക